चुकाउनी यसरी बनाउनुहोस्

पाल्पाको चर्चित रैथाने खाना हो चुकाउनी । अचार परिकारमा पर्ने यो आलु र दहीको मिश्रणबाट बनाइन्छ । भात, रोटी, चिउरासँग खान यो मीठो हुन्छ । साथै, चुकाउनी मात्र पनि खाना सकिन्छ ।

आवश्यक सामग्री

–उसिनेको आलु र दहीको मात्र बराबरी हुने गरी लिने
–प्याज आवश्यकता अनुसार
–हरियो खुर्सानी स्वाद अनुसार
–धनियाँ स्वाद अनुसार
–कागती स्वाद अनुसार
–भुटेको तोरीको पाउडर
–तेल, नुन, मेथी, बेसार स्वाद अनुसार
–पकाउने भाँडा

बनाउने विधि

टुक्रा–टुक्रा बनाइएको उसिनेको आलु, दही, प्याज, हरियो खुर्सानी, तोरीको धुलो र नुन एउटा भाँडामा राख्नुहोस् । चुलोमा प्यान राख्नुहोस् र तेलमा मेथी अनि सुकेको खुर्सानी पड्काउनुहोस् । मेथी र सुकेको खुर्सानी खैरो भैसकेपछि बेसार राख्नुहोस् र झान्नुहोस्् । सबैको मिश्रण मिलाउनुहोस् । अब चुकाउनी खानलाई तयार भयो ।