यसरी खुशी बनाउ वैवाहिक जिवन



वैवाहिक जीवनको आधार भनेको माया, समय र विश्वासमा टिकेको हुन्छ । वैवाहिक जीवनमा सधै खुशी मात्र मिल्छ भन्ने हुँदैन । यसलाई सुखि तथा खुशी बनाउन दम्पतीले निरन्तर प्रयास गर्नै पर्ने हुन्छ । दाम्पत्य जीवनलाई स–सानो बानी ब्यवहारले पनि ठुलो प्रभाव पार्छ ।

यदी तपाईको बानी राम्रो छ भने तपाई जिवनसाथिको नजिक हुनुका साथै दाम्पत्य सम्बन्ध बलियो बन्छ । तपाई पनि आफ्नो दाम्पत्य जीवनलाई सुखि बनाउन चाहनुहुन्छ भने यि उपायहरु गर्नुहोस् ।

संवादमा रहौं

तपाईको विवाह भएको लामो समय भईसक्यो भने एक आपसमा हुने संवादले निकै ठुलो भुमिका खेल्छ । आफ्नो बारेमा प्रायः सबै कुराहरु एक अर्कालाई बताउनु पर्छ । घरमा आज के भयो, अफिसमा के भयो जस्ता कुराहरु एक आपसमा बताउदा एकअर्का प्रति माया र लगाव बढ्छ ।

यदि दुई जनाको बिचमा राम्रो संवाद भयो भने तनाव पनि कम हुन्छ । एक अर्का प्रति भरोसा पनि बढ्छ र दुवैको सम्बन्ध राम्रो हुन्छ ।

आत्मियता बढाउनुहोस्

आफ्नो पार्टनरसँग शारीरिक तथा मानसिक रुपमा आत्मियता बढाउनुहोस् । तपाईको पार्टनरलाई यति भरोसा होस् की आफुलाई तपाईसँग सुरक्षित महसुस गरुन् र आफ्नो मनका कुरा तपाईसँग खुलेर गर्न सकोस् ।

तपाइहरुले एक अर्काको शारीरिक आवश्यकता पनि राम्रोसँग बुझ्ने कोशिस गर्नु पर्छ । यसले तपाईहरु बिचको सम्बन्ध अझ बलियो हुन्छ । जब तपाईहरुको शारीरिक सम्बन्ध राम्रो हुन्छ तब तपाईहरु आफ्नो चाहना पनि खुलेर बताउन सक्नुहुन्छ । त्यसले तपाईहरु बिचको आत्मिय सम्बन्ध राम्रो हुन्छ र शारीरिक सन्तुष्टि प्राप्त हुन्छ ।

राम्ररी कुरा सुनिदिनुहोस्

तपाई आफ्नो कुरा ढुक्कले आफ्नो पार्टनरलाई बताउनु होस् । तपाईको पार्टनरले पनि त्यति नै ध्यान दिएर तपाईको कुरा सुन्नु पर्छ । यदि तपाई त्यसो गर्नु हुन्न भने केही समय पछि तपाईहरु बिच हुने संवाद एकतर्फि हुन्छ । त्यसले तपाईहरु बिच दुरी पैदा हुन सक्छ । आफ्नो पार्टनरको कुरा ध्यानपूर्वक सुनेर तपाई उसको आवश्यकताहरु राम्रोसँग बुझ्न सक्नु हुन्छ । पार्टनरको कुरा सुनेर त्यो कुराको कार्यन्वयन पनि गर्नुहोस् । यसले तपाईहरु बिच आत्मियता बढाँउछ र सम्बन्ध राम्रो हुन्छ ।

एकअर्का प्रति कृतज्ञ हुनुहोस्

कुनै पनि सम्बन्धमा सम्मान तथा प्रशंसा मिल्दैन भने त्यो सम्बन्ध प्रति विश्वास कम भएर जान्छ । वैवाहिक सम्बन्धमा पनि यो कुरा लागू हुन्छ । आफ्नो पार्टनरलाई कृतज्ञता व्यक्त गर्नु एकदमै जरुरी हुन्छ । जो व्यक्तिलाई पनि आफुले गरेको राम्रो कामको तारिफ सुन्न मन पर्छ । यदि तपाई नियमित आफ्नो पार्टनरको तारीफ गर्नु हुन्छ भने तपाईको सम्बन्ध बलियो हुन्छ ।



प्रतिक्रिया दिनुहोस !
सम्बन्धित खबरहरु

हामीले बनाउने अधिकांश तरकारीमा आलु र टमाटरको प्रयोग धेरै नै हुन्छ । जे तरकारी बनाउनमा पनि पहिला आलु र दोश्रोमा

नेवारी समुदायको रैथाने खाने परिकारमध्ये बारा चल्तीको खानामध्ये एक हो । यसलाई नेवारी भाषामा वो भनिन्छ । यसलाई कालो दालको

ढिक्री थारू समुदायको लोकप्रिय परिकार हो । नेवारी परिकार योमरीजस्तै हुन्छ ढिक्री, यसलाई चामलको पिठोबाट बनाइन्छ । थारू समुदायमा ढिक्री

घरमा बोटबिरुवा लगाउनाले घरको वातावरणमा हरियाली त हुन्छ नै, यसका साथै परिवारको सदस्यहरूको स्वास्थ्यमा पनि सकारात्मक प्रभाव पर्छ । बोटबिरुवा