गायिका इन्दिरा जोशीले शरद केडियासँग कसिन् लगनगाँठो
गायिका इन्दिरा जोशी विवाह बन्धनमा बाँधिएकी छन् । मंगलबार चितवनस्थित बाराही जंगल लजमा उनले फेसन डिजाइनर शरद केडियासँग विवाह गरेकी हुन् ।
योसँगै इन्दिराले इन्स्टाग्राममार्फत ‘अब हामी श्रीमान–श्रीमती भयौं’ भन्दै विवाहका तस्बिरसमेत सार्वजनिक गरेकी छन् ।
आइतबार मेहेंन्दी उत्सव मनाएकी इन्दिराले आफूले मंगलबार विवाह गर्न लागेको जानकारी गराएकी थिइन् । वैवाहिक कार्यक्रममा दुवैतर्फका परिवार तथा आफन्तको सहभागिता थियो ।
तीन वर्षयता प्रेमसम्बन्धमा रहेपनि इन्दिरा र शरदले लामो समय गुपचुप राखे । गतवर्ष सगरमाथाको नाम्चेमा पुगी इन्गेजमेन्ट गरेपछि मात्रैै उनीहरुले सम्बन्धलाई बाहिर ल्याएका थिए ।
