यसरी पकाउनुहोस् स्वादिष्ट बारा



नेवारी समुदायको रैथाने खाने परिकारमध्ये बारा चल्तीको खानामध्ये एक हो । यसलाई नेवारी भाषामा वो भनिन्छ । यसलाई कालो दालको प्रयोग गरेर बनाइन्छ । नेवारी समुदायमा यसलाई हरेक पर्वमा बनाएर खाने चलन छ । यसका साथै सो समुदायमा सगुनको रूपमा पनि बारा खाने चलन छ ।
नेवारी रैथाने बारा भनेर सादा बारालाई बुझिन्छ । तर तपाईंले आफ्नो स्वादअनुसार विभिन्न फ्लेबरमा तयार गर्न सक्नुहुन्छ, जस्तैः मासु बारा, अण्डा बारा आदि । यो खाना पोषणले भरिएको हुनाले स्वस्थका लागि फाइदाजनक हुन्छ । तपाईंले घरमा यसरी सजिलै सादा बारा बनाएर खाना सक्नु हुन्छ ।

आवश्यक सामग्री

– मासको कालो दाल आवश्यकअनुसार
–अदुवा स्वादअनुसार
–नुन स्वादअनुसार
–पानी
–तेल
–मिक्चर वा सिलौटा
–पकाउने भाँडा (प्यान वा तावा )

पकाउने विधि

–६ देखि १२ घण्टा भिजाएको मासको कालो दाल लिनुहोस् ।
–भिजाएको दाललाई बिस्तारै हातले मिचेर दालको बोक्रा निकालेर सफा गर्नुहोस् ।
–सफा गरिएको दाल, अदुवा र नुनलाई मिक्चर वा सिलौटामा पिध्नुहोस् ।
–दाल पिधेर पेष्ट बनाउनुहोस् । पेष्ट बनाउँदा थोरै–थोरै पानी राखेर बनाउनुहोस् ।
–चुलोमा भाँडा बसाल्नुहोस् । भाँडा तातो भएपछि त्यसमा तेल राख्नुहोस् ।
–तेलमा थोरै पेष्ट राख्ने र हातमा पानी लगाएर गोलाकार दिँदै पेष्टलाई फिंजाउनुहोस् ।
–सानो आगोमा ओर्काइ–फर्काइ २ देखि ३ मिनेट खैरो रंग नहुँदासम्म पकाउनुहोस् ।
–यसरी बनाएको बारा खाजाको रूपमा खाना सक्नु हुन्छ ।



प्रतिक्रिया दिनुहोस !
सम्बन्धित खबरहरु

हामीले बनाउने अधिकांश तरकारीमा आलु र टमाटरको प्रयोग धेरै नै हुन्छ । जे तरकारी बनाउनमा पनि पहिला आलु र दोश्रोमा

नायिका सुस्मा कार्कीलाई पुस्तक पढ्न धेरै मन लाग्छ । अझ निषेधाज्ञाको फुर्सदको यो बेला उनलाई पुस्तक पढ्ने समय पर्याप्त भएको

कोरोनाको दोस्रो लहरका कारण यतिबेला देश बन्दाबन्दीको अवस्थामा छ । यसको प्रत्यक्ष असर पोखराको फेवा तालले पनि भोगेको छ ।

जारी निषेधाज्ञामा काम छोडेर घरमा बस्दा अधिकांशले एक्लो महशुस गरिरहेका छन् । यो परिस्थितिमा व्यक्तिलाई एक्लोपन महशुस हुनु, छटपटी हुनु,