उपियाँबाट छुट्कारा पाउने घरेलु उपाय



उपियाँ प्राणीको रगत खाएर बाँच्ने परजिवी हो । उपियाँ यदि घरमा एक पटक आयो भने यसबाट छुट्कारा पाउन मुस्किल हुन्छ । किनभने उपियाँले आफ्नो जीवनकालमा लगभग पाँच सय अण्डा पार्छ । जसकारण यसबाट छुटकारा पाउन एकदमै गाह्रो हुन्छ ।

यो लेखमा यदी घरमा उपियाँ आयो भने यसबाट कसरी छुट्कारा पाउने भन्ने बिषयमा केही घरेलु उपायहरुको जनकारी दिदैछौ ।

पुदिनाको पात

पुदिनाको गन्ध उपियाँलाई मन पर्दैन । पुदिनाको पातलाई उपियाँ भएको स्थानमा दैनिक फेरबदल गरेर राख्ने गर्नुहोस् । यसरी राख्दा उपियाँ पुदिनाको गन्धले मर्छ । तपाईले पुदिनाको पातको रस बनाएर स्प्रेको रुपमा पनि प्रयोग गर्न सक्नुहुन्छ ।

रातो खुर्सानी

रातो खुर्सानी उपियाँ मार्ने एउटा उत्तम उपाय हो । एक चम्चा रातो सुर्खानीको धुलो, अदुवा, ज्वनोको तेल र एक कप पानीको मिश्रण बनाउनुहोस् । यसको रस छानेर निकाल्नुहोस् । उक्त झोललाई दैनिक ३ देखि ४ पटक उपियाँ भएको स्थानमा स्प्रे गर्नुहोस् । यसरी हप्तादिन स्प्रे गरेमा तपाईले उपियाँबाट छुट्कारा पाउन सक्नु हुन्छ ।

नीमको तेल

एक ठुलो चम्चामा नीमको तेल, एक कप पानी र आधा चम्चा सर्फ पाउडर लिनुहोस् । तेल, पानी र सर्फको मिश्रण बनाउनुहोस् । यो मिश्रणलाई स्प्रेको बोतलमा राखेर दैनिक उपियाँ भएको स्थानमा स्प्रे गर्नुहोस् । यसरी तपाईले सधैका लागि उपियाँबाट छुट्कारा पाउनु सक्नुहुन्छ । नीममा एन्टिव्याक्टेरियल गुण भएका कारणले किरालाई मार्न मद्दत गर्छ ।

रबिंग राक्सी

९० प्रतिशत अल्कोेहलको मात्रा भएको रबिंग राक्सी स्प्रे बोतलमा राख्नुहोस् । तपाईले उपियाँ भएको स्थानमा दैनिक ३–४ पटक स्प्रे गर्नुहोस् । अल्कोेहलका कारणले उपियाँको सेल्स मर्दै जान्छ र उपियाँवाट चाडै नै छुटकारा हुन्छ ।

स्टीम गर्ने

स्टीम गर्न तपाईले मेसिन खरिद गर्न पनि सक्नुहुन्छ । जुन मेसिनले स्टिम उत्पादन गर्दछ । यदी खरिद गर्न सकिदैन भने एउटा लचिलो ट्यूब जडान गरी एउटा समान्य केट्लीलाई स्टीम मेसिन बनाउन पनि सकिन्छ । यसको सहयताले उपियाँ रहेको क्षेत्रमा स्टिम गर्नसकिन्छ । यो स्टिमले उपियाँको अण्डा मार्छ र उपियाँको संख्या घट्दै जान्छ ।

किटनाशक

उपियाँ फर्निचर, ओछ्यान, सिरक र डस्नामा बस्न रुचाउने परजीवीमा पर्छ । यसबाट छुट्कारा पाउन तपाईले किटनाशक औषधिको पनि प्रयोग गर्नसकिन्छ । यस्ता औषधिहरु एग्रोभेटमा सजिलै पाउन सकिन्छ ।



Leave a Reply

Your email address will not be published. Required fields are marked *

सम्बन्धित खबरहरु

हरेक मानिसलाई आफ्नै घर बनाउने चाहना हुन्छ । तर, पर्याप्त लगानीको अभावमा कतिपयले चाहेर पनि घर बनाउन सकिरहेका हुँदैनन् ।

अशोक शाह, इन्टेरियर डिजाइनर मौसमअनुसार घर गर्मीमा शीतल, जाडोमा न्यानो होस् भन्ने चाहना सबैको हुन्छ । यतिबेला नेपालमा गर्मी मौसम

हामीले बनाउने अधिकांश तरकारीमा आलु र टमाटरको प्रयोग धेरै नै हुन्छ । जे तरकारी बनाउनमा पनि पहिला आलु र दोश्रोमा

नेवारी समुदायको रैथाने खाने परिकारमध्ये बारा चल्तीको खानामध्ये एक हो । यसलाई नेवारी भाषामा वो भनिन्छ । यसलाई कालो दालको

Suggested