‘अब धनगढीले कसैको कार्यकर्ता पाल्नुपर्दैन, न्यायपूर्ण विकास हुन्छ’
धनगढीमा एउटा परिचित नाम छ । त्यो हो ‘गोपी दाई’ । अब गोपी दाई धनगढीमामात्र होइन, देशभर परिचित भइसकेका छन् । ठूलो साहसलाई सफलतामा परिणत गरेका गोपाल हमाल उर्फ ‘गोपी दाई’ धनगढी उप–महानगरपालिकाको प्रमुख पदमा विजयी भएसँगै उनलाई बधाई तथा शुभकामनाको ओइरो लागेको छ ।
नलागोस् पनि किन ? स्वतन्त्र उम्मेदवारी घोषणा गरेका हमालले मुलधारका राजनीतिकका उम्मेदवारलाई पराजयको बाटोमा पुर्याए ।
आँप चुनाव चिन्ह पाएका उनले कुल खसेको ६३ हजार ७ सय १५ मतमध्ये २६ हजार ८ सय ६५ मत ल्याए भने उनका निकटतम प्रतिद्वन्द्वी निर्वतमान मेयर नेपाली कांग्रेसका नृपबहादुर ओड १४ हजार ८ सय १७ मतमै सिमित भए ।
गठबन्धनको समेत साथ पाएका ओडका अघि यसपाली हमालले कमाल गरेकै हुन् । किनभने २०७४ सालमा भएको स्थानीय निर्वाचनमा कांग्रेसका ओडसँग उनी २ हजार ७ सय ९८ मतान्तरले पराजित बनेका थिए । यद्यपि, हमालले त्यतिबेलाको बदला अहिले लिएका छन् ।
नगरप्रमुखमा विजेता बनेसँगै हमालले ‘हाम्रो धनगढी हामी बनाउँछौं’ अभियानलाई मुर्त रुप दिने बताए । साथै, निर्वाचन अघि प्रतिवद्धता गरेका सबै कुराहरुलाई पूर्ण कार्यान्वयन गर्नेमा उनी प्रतिवद्ध छन् ।
धनगढी बासीले मलाई मेयर बनाउनुभयो अब ५ वर्ष धनगढीको विकासमा केन्द्रीत हुनेछु,’ उनले भने, ‘अब धनगढीले कसैको कार्यकर्ता पाल्नुपर्दैन, न्यायपूर्ण विकास हुन्छ ।
धनगढीलाई भ्रष्टाचारमुक्त बनाउने, बेरुजू शून्यमा झार्ने, विकास बजेटको खर्च नहुने परिपाटीको अन्त्य गर्ने, घरघरमै सामाजिक सुरक्षा भत्ता वितरण गर्ने, फोहोरमैला व्यवस्थापनको वैज्ञानिक विधि अपनाउने उनको योजना छ । त्यसैगरी, धनगढीलाई सुन्दर र हराभरा बनाउने, पार्किङ र खेल मैदानको व्यवस्था गर्ने, साइकल लेनको निर्माण गर्ने उनले बताए । ‘धनगढी बासीले मलाई मेयर बनाउनुभयो अब ५ वर्ष धनगढीको विकासमा केन्द्रीत हुनेछु,’ उनले भने, ‘अब धनगढीले कसैको कार्यकर्ता पाल्नुपर्दैन, न्यायपूर्ण विकास हुन्छ ।’
यसैगरी उनले आगामी ५ वर्षसम्म उपमहानगरपालिकाबाट कुनै पनि सेवा सुविधा नलिने घोषणासमेत गरेका छन् ।
को हुन् हमाल ?
हक्की स्वभाव, स्पष्ट वक्ताको छबी बनाएका हमाल एक सामाजिक अभियन्ता हुन् । २०६४ सालमा कैलाली उद्योग वाणिज्य संघको अध्यक्ष बनेका हमालको सामाजिक प्रतिष्ठा त्यतिबेलैबाट चुलिएको हो । त्यतिबेला संघको अध्यक्षको हैसियतमा उनले चलाएको ‘सुन्दर सुदुरपश्चिम’ अभियानले उनलाई एकाएक चर्चामा ल्यायो ।
यसैगरी, धनगढी विमानस्थलका लागि ‘एक पैसा अभियान’ चलाएका हमालले विभिन्न संघसंस्थामा आवद्ध भएर काम गर्नेक्रममा हमालमा राजनीतिक चेत पलायो ।
२०७४ को स्थानीय निर्वाचनमा पनि धनगढी उपमहागरको प्रमुख पदमा स्वतन्त्र उम्मेदवारी दिए । त्यतिबेला पराजित भएपनि जनताको सेवामा निरन्तर लागिपरे । यहीक्रममा उनी विवेकशील साझा पार्टीमा आवद्ध भए । २०७४ साउन २८ गते विवेकशील साझाले उनलाई सुदूरपश्चिम संयोजक बनायो । यद्यपि, उनले गत फागुनमा पार्टीबाट राजीनामा दिएका थिए ।
तैपनि उनी जनताको सेवा र सामाजिक हितमा भने लागिरहेका नै थिए । त्यसैको आशिर्वादस्वरुप जनताले उनलाई धनगढी उपमहानगरपालिकाको प्रमुख बनाए । त्यसो त अबका दिनमा जनताको सेवा गर्न र मन जित्न पार्टीको झण्डा बोक्नैपर्छ भन्ने सिद्धान्तले काम नगर्ने हमालको विजयले छर्लङ्ग पार्छ ।
यो पनि…
‘पाँच वर्षमा खाँदबारीलाई नमुना नगरपालिकाको रुपमा देशभर चिनाउँछु’
‘जनताको पसिना र सिपलाई विकाससँग जोड्नेछु’
Eileen
Sports betting, football betting, cricket betting, euroleague football betting, aviator games, aviator games money - first deposit bonus up to 500 euros.Sign up bonus