कोलकत्ताको छैटौं जित
सनराईजर्स हैदरावादलाई ५४ रनले पराजित गर्दै इन्डियन प्रिमियर लिग (आईपीएल) २०२२ टी–२० क्रिकेट प्रतियोगितामा कोलकत्ता नाइट राइडर्सले छैटौं जित निकालेको छ ।
शनिबार राति कोलकत्ताले दिएको १७८ रनको लक्ष्य पछ्याएको हैदरावाद २० ओभरमा ८ विकेट गुमाएर १२३ रनमा समेटियो । हैदरावादका अभिषेक शर्माले सर्वाधिक ४३ रन बनाए । कोलकत्ताका आन्द्रे रसेलले ३ विकेट लिए ।
यसअघि पुनेमा टस जितेर पहिले ब्याटिङ गरेको कोलकत्ताले २० ओभरमा ६ विकेट गुमाएर १७७ रनको योगफल खडा गर्यो । कोलकत्ताका आन्द्रे रसेलले सर्वाधिक ४९ रन बनाए । हैदरावादका उम्रन मलिकले ३ विकेट लिए ।
जितपछि कोलकत्ता १२ खेलबाट १२ अंक जोडेर छैटौं स्थानमा छ । हैदरावाद १२ खेलबाट १० अंक जोडेर आठौं स्थानमा छ ।
यो पनि
आईपीएल : गुजरात प्लेअफ नजिक
बेङ्गलोरलाई हराउँदै राजस्थान शीर्ष स्थानमा
