यसरी गर्न सकिन्छ बोटबिरुवाको हेरचाह



घरलाई सुन्दर बनाउन बगैँचाको भुमिका महत्वपुर्ण हुन्छ । बगैँचामा रहेका मौसमी तथा सदाबाहार बोटबिरुवाले घरलाई सुन्दर देखाउँछ । घाम कुन ठाउँबाट आउँछ, त्यसमा ध्यान दिएर बिरुवा रोप्दा बोटबिरुवा आकर्षक देखिन्छ ।
विगत १५ वर्ष देखि बगैंचाको हेरचाहको क्षेत्रमा ब्यवशायिक रुपमा काम गर्दै आउनुभएकी कमला पराजुलीका अनुसार– बोटबिरुवाको हेरचाह गर्दा यी कुराहरुमा विशेष ध्यान दिनु पर्छ ।

— कुनै पनि नयाँ बिरुवा रोप्दै हुनुहुन्छ भने तपाईले नर्सरी बाट ल्याउने बिरुवा कम्तिमा पनि साढे दुई फिट र बढिमा ५ फिटको हुनुपर्दछ ।

— यदि तपाईले घरमै गमलामा बेर्ना उमार्नु भएको छ भने गमलाको बिरुवा बगैंचामा सार्दै हुनुहुन्छ भने एक देखि डेढ फिटको खाडल बनाउनु पर्छ र बिरुवालाई सार्नु पर्छ ।

— बगौंचाको माटो चिम्टाइलो छ भने त्यसमा बालुवा, माटो र मल मिसाउनु पर्छ ।

— गमलामा भएको बेर्नालाई जमिनमा सार्दा गमलामा भएको एक फिट माटो सँगै हालेर पुर्नु पर्छ ।

— बिरुवा सारिसकेपछि त्यसलाई वरिपरिबाट पानी हाल्ने, बिरुवा नसरेसम्म दिनको दुई पटक बिहान र बेलुका नबिराई पानी हाल्नुपर्छ ।

— बिरुवालाई बेलाबेलामा गोडमेल गर्ने र त्यसमा उर्मिएका झारहरुलाई निकाल्ने गरिरहनु पर्छ ।

— बोटबिरुवामा लाई लाग्ने समस्या हुन सक्छ त्यसको लागि पसलबाट लाईको औषधी ल्याएर हाल्ने अथवा घरमै पनि लाईको औषधी बनाउन सकिन्छ त्यसको लागि लसुन र तितेपातीलाई कुटेर पानीमा मिसाउने र लाई लागेको बिरुवामा माथिबाट छर्कने यसले लाई तथा अन्य किराहरु पनि लाग्न सक्दैन ।

— बोटबिरुवामा मल हाल्दा कम्पोष्ट मल, पिना, र बोन मील मिसाएर एउटा बिरुवालाई आधा किलोको दरले हाल्नु पर्छ । यसरी मल हालेपछि बिरुवाको वृद्धि विकास छिटो हुन्छ ।



Leave a Reply

Your email address will not be published. Required fields are marked *

सम्बन्धित खबरहरु

घरको कौशीमा विशेष गरी फर्सी, लौका, लसुन, काउली, सिमी, घिरौलाका साथसाथै मौसम अनुसारका सबै खालका तरकारी उब्जाउन सकिन्छ । तरकारी