यौनसम्बन्धमा हुने गल्तीहरूबाट यसरी बचौँ



यौनलाई आनन्ददायक बनाउन पुरुष र महिला दुबै मानसिक रूपमा स्वस्थ रहनु आवश्यक छ । किनकी यौनसम्बन्ध तनको आवश्यक्ता मात्र नभएर मनसंग पनि जोडिएको हुन्छ । तर कैयन् अवस्थामा महिला–पुरुष यौनसम्बन्धका बेला एक–अर्काको इच्छा र भावनालाई नबुझी मात्र औपचारिक रूपमा यो काम पूरा गर्छन् भन्ने नै छ । यस प्रकारको क्रियाकलापले कतिपयको यौनजीवन प्रभावित समेत भएको छ । यौनसम्बन्धका बेला हुने गल्तीहरूमाथि विचार पुर्याइ आफ्नो यौनजीवनलाई रोमाञ्चक र आनन्दमयी यसरी बनाउन सकिन्छ ।

पुरुषबाट हुने गल्तीहरू

फोरप्ले (पाकक्रिडा)को आनन्द नउठाउनु

प्रायः पुरुषहरू यौनसम्बन्धलाई नियमित काम नै ठानेर हतार–हतारमा पुरा गर्ने प्रयास गर्छन् । तर महिलामा यौनसम्बन्ध राख्नु भन्दा अगाडी पुरुष साथीले केही समय पाकक्रिडा (फोरप्ले) मा बढी समय बिताओस् भन्ने चाहन्छिन् । यौनसम्पर्क राख्नु भन्दा अगाडी महिला साथीलाई चुम्बन गर्नु, अंग स्पर्श गर्नु बढी आनन्ददायक हुन्छ । यदी यौनसम्बन्ध राख्नु भन्दा अगाडी कुनै पनि पुरुषले फोरप्लेमा रुचि देखाउँदैन भने त्यो उसको सबैभन्दा ठूलो यौन गल्ती हुन्छ ।

के गर्ने ?

सम्भव भएसम्म फोरप्लेको समय बढाएर बढीभन्दा बढी आनन्द उठाउने र आफ्नो पार्टनरलाई सुखद यौनसम्पर्कका लागि तयार गर्ने ।

प्रेमपूर्ण कुरा नगर्नु

कैयन् पुरुषहरू आफ्नो पार्टनरसित यौन सम्बन्ध राख्नु अगाडी प्रेमपूर्वक कुरा गर्दैनन् । एउटा सफल र सुखमय यौनसम्बन्ध बनाउन आफ्नो पार्टनरसित प्रेमपूर्वक कुरा गर्नु आवश्यक छ । मनोचिकित्सकहरूका अनुसार शारीरिक सम्बन्ध राख्नुपूर्व प्रेमपूर्वक कुराकानी नगर्दा महिलालाई पुरुषहरूमा यौनसम्बन्धको भोक छ, तर प्रेमको कुनै भावना छैन भन्ने कुराको महसुस हुन्छ ।

के गर्ने ?

यदि प्रेमपूर्ण यौनसम्बन्ध राख्ने हो भने भने आफ्नो पार्टनरसित सकेसम्म प्रेमपूर्वक रोमान्टिक कुरालाई बढी प्राथमिकता दिनुपर्छ, जसबाट उनको यौनसम्बन्ध प्रतिको लगाव र रोमाञ्चता थाहा पाउन सकिन्छ ।

इच्छा बुझ्नु

अधिकांश महिलाहरूको यौनको बिषयमा सुनिने गुनासो भनेकै आफ्नो यौनसम्बन्ध राख्ने ईच्छा नै नबुझि पुरुष यौनसम्बन्ध राख्न अग्रसर हुन्छन् नै भन्ने छ । महिलाको यौनसम्बन्ध प्रतिको चाहना नबुझी यो क्रियामा संलग्न हुन खोज्नु पुरुषको गल्ती हो ।

के गर्ने ?

यौनसम्बन्ध राख्ने मनस्थिती बनाउनु पूर्व महिलाको यौनचाहना बुझेर मात्र पहल गर्नु उचित हुन्छ ।

जबर्जस्ती गर्न खोज्नु

कैयन् महिला यौनसम्बन्धका बेला पुरुषले जबर्जस्ती गर्ने गुनासो गर्छन्, यो कार्यले गर्दा उनीहरु मानसिक रुपमा आहत हुन्छन् । मनोचिकित्सकहरूका अनुसार यौनसम्बन्ध जबर्जस्ती राख्नु गलत व्यवहार हो, यौनसम्बन्ध सधै प्रेमसित जोडिएको हुन्छ । त्यसैले यौनसम्बन्धको प्रारम्भ प्रेमबाटै गर्नुपर्छ ।

के गर्ने ?

यौनसम्बन्ध राख्ने मनस्थिती बनाएपछि पुरुषले प्रेम बिस्तारै गर्नुपर्छ । महिला साथीलाई आफूसित जबर्जस्ती भैरहेको छ भन्ने कुरा कुनै पनि हालतमा महसुस हुन दिनुहुँदैन । एक सर्वेक्षणअनुसार ४० प्रतिशत व्यक्तिको राय अनुसार पुरुषले यौनसम्बन्धमा आनन्द महसुस गर्नु जति महत्वपूर्ण छ, त्यसलाई सुखद् बनाउन पार्टनरले पनि त्यति नै आनन्द महसुस गर्नु पर्छ भन्ने रहेको छ ।

प्रत्येक दिन यौन सम्वन्ध राख्न खोज्नु

कोही पुरुष प्रत्येक दिन आफ्नो पार्टनरसित एकै समयमा एकै स्थानमा यौनसम्बन्ध राख्न चाहन्छन् । महिलाहरू भने प्रेमको अनुभवलाई अलग–अलग तरिका र स्थानमा रहेर लिन चाहन्छन् । अधिकांश पुरुष यो कुरालाई राम्रोसँग बुझ्दैनन् ।

के गर्ने ?

यौनसम्बन्धको आनन्द उठाउन अलग–अलग स्थान र विधि अंगाल्नु उपयुक्त हुन्छ । यौन आसनहरूमा परिवर्तन गर्नुका साथै बेड, सोफा, भुई जस्ता फरक स्थानमा राख्दा रोमाञ्चक हुन्छ । यसले कुनै पनि जोडीलाई यौन जीवनमा नयाँ रोमाञ्चता दिने गर्छ ।

महिलाबाट हुने गल्तीहरू

बेडमा चुपचाप रहनु

यौनसम्वन्धका बेला कैयन् महिला बेडमा चुपचाप रहन्छन्, जबकी पुरुषहरू यौनसम्बन्धको बेला आफ्नो पार्टनरले आफु जत्तिकै साथ देओस् भन्ठान्छन् । यौन सम्बन्धको बेला बेडमा चुपचाप रहने महिला पुरुषलाई मन पर्दैन ।

के गर्ने ?

६५ प्रतिशत विवाहित जोडीको बुझाइमा यौनसम्बन्धको बेला यदि पार्टनरले बराबरीको साथ दिन्छ भने यौनजीवन अत्यन्त रोमान्टिक हुन्छ भन्ने रहेको छ ।

नयाँ प्रयोगलाई स्वीकार नगर्नु

अधिकांश महिला यौनसम्बन्धका मामिलामा नयाँ प्रयोग गर्न डराउने वा हिच्किचाउने स्वभावका हुन्छन् । तुलनात्मक रूपले पुरुष यौनका मामिलामा बढी उत्साहित हुन्छन् । उनीहरु यो क्रियामा नयाँ–नयाँ प्रयोग गर्न उत्सुक देखिन्छन् तर महिलाहरू नयाँ प्रयोगलाई अस्वीकार गर्छन् । यो पनि उनीहरुको गलत व्यवहार हो ।

के गर्ने ?

नयाँ प्रयोगलाई अस्वीकार गर्नाले पार्टनरको यौनप्रतिकोरुचि घट्न सक्छ । अतः उत्साहित भएर आफ्नो पुरुष पार्टनरलाई साथ र सहयोग गर्नुपर्छ ।

यताउति को कुरा गर्नु

कैयन् महिला पुरुष बेडमा आउनेबित्तिकै उताउतिका कुरा गर्न थाल्छन्, चाहे त्यो घरको समस्यामा होस् वा कुनै गुनासो । पुरुषहरू त्यस्ता कुरालाई पटक्कै रुचाउँदैनन् ।

के गर्ने ?

यौन सम्बन्ध राख्ने बेलामा महिलाले पुरुषलाई साथ दिनुपर्छ । यसमा केन्द्रित नभइकन यसमा डुब्न सकिँदैन र यसको सुखद् अनुभूति पनि प्राप्त गर्न सकिँदैन ।

सेक्सी आउटफिट्स

पुरुषहरू महिला सेक्सी देखिऊन् भन्ने चाहन्छन् । यसका लागि महिलाले आफ्नो शृङ्गार र ड्रेसअपमा ध्यान देऊन् भन्ने चाहना हुन्छ, तर कामको व्यस्तताले कैयन् महिला आफ्नो लुकमा ध्यान दिँदैनन् ।

के गर्ने ?

पुरुष पक्षलाई सेक्सी ड्रेस र सेक्सी सरप्राइज मन पर्छ । यदि आफ्नो यौनजीवनलाई रोमाञ्चक बनाउन चाहने हो भने सेक्सी ड्रेस र हट लुक अंगाल्न पछि पर्नु हुँदैन ।

स्पर्श मन नपराउनु

अधिकांश महिला यौनसम्बन्धका बेला पुरुषले मात्र आफूलाई स्पर्श गर्नुपर्छ र आफूले पुरुषलाई स्पर्श गर्नुपर्दैन भन्ने सोच्छन्, तर यो गलत सोच हो । पुरुष पनि यौनसम्बन्ध राख्ने बेला महिलाले आफ्ना अंगलाई स्पर्श गरून् भन्ने चाहना राख्छन् ।

के गर्ने ?

चुम्बन र स्पर्शबाट पुरुष चाँडै उत्तेजित हुन्छन् । अतः यौनसम्बन्धका बेला आफ्नो पार्टनरलाई चुम्बन गर्न बिर्सनुहुँदैन ।



प्रतिक्रिया दिनुहोस !
सम्बन्धित खबरहरु

नेपालमा कोरोना संक्रमणको फैलावट तीव्र गतिमा बढीरहेको छ । विश्वका शक्तिशाली मुलुकले समेत नियन्त्रणमा लिन मुस्किल परिरहेको यो महामारीलाई ‘जैविक

आज मातातीर्थ औंशी अर्थात् आमाको मुख हेर्ने दिन । आमाप्रति सम्मान र सम्झिने दिन । संसारको सबैभन्दा पवित्र सम्वोधन हो,

शारीरिक सम्बन्ध हरेक दम्पतीको अत्यन्त निजी र अन्तरङ्ग सम्बन्ध हो । कहिलेकाहीँ जानकारीको अभावमा आफ्नै कारणले यौन जीवनलाई जटिलतातर्फ धकेलिरहेका

शारीरिक सम्पर्कले सन्तुष्टि मात्र दिँदैन, यसले व्यक्तिको स्वास्थ्यमा पनि सकारात्मक प्रभाव पार्छ । चरम सुखपछि शरीरमा प्रोलेकिटन हार्मोनको स्राव बढ्छ,