वैवाहिक जीवनलाई सफल वनाउने हो ?

नरनारी


संसारमा कोही पनि परफेक्ट हुदैन, हरेकमा केही न केही कमी कमजोरी हुन्छ नै । यस्तो अवस्थामा आफ्नो पार्टनर, सबैभन्दा र सबैमा परफेक्ट होस् भन्ने अपेक्षा राख्नु उसमाथि अन्याय हुन्छ । त्यसैैले वैवाहिक जीवनलाई कसरी सफल बनाउने भन्ने बिषयमा केही टिप्सहरु ।

यदि श्रीमान्–श्रीमतीलाई एकअर्काको कुनै कुरा मन पर्दैन भने त्यसबाट रुष्ट हुनुभन्दा यस विषयमा प्रेमपूर्वक एकअर्कालाई बताउदाँ राम्रो हुन्छ ।

– हरेकको आ–आफ्नो अलग व्यक्तित्व हुन्छ, त्यसैले पार्टनरलाई आफूअनुरूप बदल्नु भन्दा आपसी समजदारी बढाउने तर्फ प्रयास गर्नुपर्छ ।

– हरेक जोडीमा कुनै न कुनै मतभेद वा स–साना विवाद हुन्छ नै । तर आफ्नै कुरामा जिद्दी गरिराख्नु उचित भने होइन ।

– क्षमा माग्नु नराम्रो कुरा होइन, चाहे आफूबाट गल्ती नै नभएको किन नहोस् तर रिसाएको पार्टनरलाई मनाउन ‘सरी’ भन्न कन्जुस्याई गर्नुहुँदैन । प्रेमको बीचमा इगोलाई आउन दिनुहुँदैन ।

– गृहस्थीमा हरेक कुराको एडभान्स प्लानिङ आवश्यक हुन्छ । फेमिली प्लानिङदेखि फाइनान्स र इन्भेस्टमेन्टसम्मको प्लानिङ आपसी सहमतिबाट गर्नुपर्छ ।

– श्रीमान्–श्रीमतीको सम्बन्ध विश्वासमा टिकेको हुन्छ, त्यसैले हरेक स–साना कुराको हिसाब माग्नु हुँदैन, न त शंका गर्नु नै ठीक हुन्छ ।

– हरेक सम्बन्धमा स्पेसको आवश्यकता हुन्छ । श्रीमान्–श्रीमतीको सम्बन्ध पनि यसबाट अछुतो छैन । एकअर्कालाई स्पेस दिनुपर्छ । यसबाट विश्वास बढ्छ र सम्बन्धमा सहजता प्राप्त हुन्छ ।

– अरूका अगाडि एकअर्काको निन्दा गर्नुहुँदैन । गुनासोलाई एकान्तमा व्यक्त गर्नु राम्रो हुन्छ ।

– यदि कुनै पार्टी वा समारोहमा अरूका सामु एकअर्काका लागि मुखबाट केही गलत निस्किहाले त्यही ठाउँमा बहस गर्न थाल्नु ठीक होइन । यसबाट विवाद बढ्छ । अतः उक्त विषयमा पछि कुरा गर्नु राम्रो हुन्छ ।

– एकअर्काको परिवारका सबै सदस्यलाई भावनात्मक स्तरमा जोड्ने प्रयास गर्नुपर्छ र उनीहरूको सुखदुःखमा सहभागी हुनुपर्छ ।

– विवाहपछि माइती पक्षसित लगाव बढ्नु स्वाभाविक हो तर माइती आउने जाने क्रम धेरै बढ्नाले श्रीमान् तथा उनको परिवारजनका लागि समस्या बन्न सक्छ । अतः उनीहरूको सहमतिमा मात्र माइती जानु उचित हुन्छ ।

– उपहार नराम्रो लाग्ने सायदै कोही होलान्, एकअर्कालाई सरप्राइज गिफ्ट दिनुपर्छ ।

– स–साना कुरामा खुसी खोज्ने प्रयास गर्नुपर्छ । कुनै विशेष अवसरको प्रतिक्षा नगरी क्यान्डल लाइट डिनर गर्न सकिन्छ वा फिल्म हेर्न जान सकिन्छ । यसबाट सम्बन्धमा प्रगाढता बढ्छ ।

– प्रेम गर्नु मात्र नभएर व्यक्त पनि गर्नु आवश्यक छ । त्यसैले एकअर्काको खुबीका बारेमा बताउनुपर्छ र प्रशंसा गर्नुपर्छ । प्रशंसा गर्ने स्थिति खोजिरहनुपर्ने आवश्यकता छैन । चिया कफी, खाना, पहिरन आदिको पनि प्रशंसा पर्याप्त हुनसक्छ ।

– पार्टनरलाई करियरमा सफल हुन प्रेरित गर्नुपर्छ साथै एकअर्काको शौख पूरा गर्न सहयोग गर्नुपर्छ । यसबाट आपसी खुसी अझ बढ्छ ।

– श्रीमान् अफिसबाट घर आउने बित्तिकै परिवारका अन्य सदस्यहरुको गुनासो पोख्नु उचित होइन । आफ्नो समस्यालाई शालीनतापूर्वक सही समयमा व्यक्त गर्नु राम्रो हुन्छ ।

– छरछिमेक वा ईष्टमित्रलाई देखाउन मात्र खरिददारी गर्नु ठीक होइन, यसबाट घरको बजेट बिग्रन सक्छ । देखावटीपनबाट बाहिरी रूपमा सन्तुष्टि प्राप्त भए पनि यसले घर भित्र आर्थिक बोझ थप्ने कार्य गर्छ ।

– फुर्सद भएका बेला श्रीमतीको काममा सहयोग गर्नुपर्छ । सातामा एकपटक आफ्नो हातबाट केही कुरा बनाएर श्रीमतीलाई ख्वाउनुपर्छ, अरू नभए पनि चिया–कफी मात्र भए पनि बनाएर सरप्राइज दिनुपर्छ ।

– कुनै पनि प्रश्नको सीधा जवाफ दिनुपर्छ । जन्मदिन वा विवाहको एनिभर्सरीमा आफ्नो चाहना सीधा व्यक्त गर्नु राम्रो हुन्छ । ‘उनलाई थाहा हुन्छ’ ‘वा तपाईंंले यति पनि बुझ्नुहुन्न’ भन्ने सोच बेइमानी हो ।

– वादविवाद बढे सम्बन्ध विच्छेद गर्छु वा माइती जान्छु भन्ने धम्की दिनु उचित होइन ।

– कुनै विवाद वा कुराले तिलको पहाड बनाउने सम्भावना छ भने त्यसबाट बच्ने प्रयत्न गर्नु आवश्यक छ ।

– धन्यवाद जस्ता शब्दको प्रयोग मात्र अरुका लागि नभएर आफ्नाका लागि पनि उत्तिकै जादूको काम गर्छ । कुनै गिफ्ट प्राप्त भए वा पार्टनरको सहयोगका लागि धन्यवाद व्यक्त गर्नुपर्छ ।

– बदलिँदो मौसमको आनन्द महसुस गर्नुपर्छ । वर्षात्को समयमा सँगै भिज्नुपर्छ, वर्षात्को पानीमा सँगै बस्दा रोमान्स अनुभव गर्नुपर्छ ।

– वर्षमा एकपटक घुम्न केही दिन कतै जानु राम्रो हुन्छ । यसो गर्नाले दैनिक जीवनको झन्झटबाट मुक्ति त पाइन्छ नै साथै घुमफिरको आनन्द पनि प्राप्त हुन्छ ।

– व्यस्तताका बावजुद पनि समय निकालेर श्रीमतीको कुरा ध्यानपूर्वक सुन्नुपर्छ ।

– आफ्नो रुचिका कारण श्रीमतीको उपेक्षा त भैरहेको छैन भन्ने ख्याल राख्नुपर्छ । जस्तै टिभी हेर्नु, पार्टीमा जानु आदि ।

– साथीहरूसित समय बिताएर श्रीमतीलाई समय नदिनु बेइमानी हुन्छ । श्रीमतीलाई आफ्नो जीवनको हरेक पक्षमा सहभागी गराएर, समय दिनुपर्छ ।

– विवाह बन्धन हो भनेर श्रीमान्लाई नियन्त्रणमा राख्नुहुँदैन । उनका साथीहरूसितको समयलाई आफूमा निहित राख्नु गल्ती हुन्छ ।

– सासु–बुहारीको झगडामा समझदारीपूर्वक काम लिनुपर्छ । श्रीमतीलाई मात्र दोषी ठहर्याउनुहुँदैन ।

– माइती जाने कुरामा रुटिन बनाउँदा त्यसैलाई आवश्यक बनाएर प्राथमिकता दिनु राम्रो हुदैन ।

– यदि मलाई प्रेम गर्छौ भने तिमीले यसो गर्नुहुँदैन भनेर ब्ल्याकमेल गर्नु ठीक होइन । यी कुराले अपरिपक्वता दर्साउँछ ।

– कहिलेकाहीँ एकअर्काको स–साना गल्तीलाई नजरअन्दाज गर्नुपर्छ । यसले सम्बन्ध बिग्रनबाट जोगिन्छ ।

– घर फर्कंदा ढिलो नहोस् भन्ने कुरामा ख्याल राख्नुपर्छ । ढिलो हुने भए श्रीमतीलाई फोनमार्फत् जानकारी दिनुपर्छ । महिलाहरू पुरुषभन्दा भावुक हुन्छन् र समयमा घर नफर्कंदा उनीहरूको मनमा अनेकन आशंका उब्जन्छ ।

– आपसमा समानता खोज्नुपर्छ । समान रुचिमा मिलेर एकसाथ त्यसको आनन्द लिनुपर्छ ।

– त्यसो त श्रीमान्–श्रीमतीको सम्बन्ध मनको साइनो हो तर विवाहमा यौन पनि उत्तिकै महत्वपूर्ण हुन्छ । सुखमय एवं सन्तुष्ट यौनजीवनले श्रीमान–श्रीमतीको सम्बन्धलाई अझ प्रगाढ बनाउँछ ।

– अफिस, बोस वा कामकोे तनाव श्रीमतीमाथि पोख्नु हुँदैन । अफिस र कामको झन्झटलाई घरबाहिरै छोडेर आउनु राम्रो हुन्छ । यसो गर्नु परिवारका लागि मात्र नभई व्यक्ति स्वयंका लागि पनि आवश्यक छ ।

– जीवनसाथीको केही कुरा मन पर्दैन, कमी कमजोरी थाहा छ भने यस विषयमा उनलाई प्रेमपूर्वक बताउनुपर्छ तर यो मामिलामा उनको तुलना अरूसित गर्ने गल्ती गर्नुहुँदैन ।

– ‘म’ को स्थानमा ‘हामी’ भन्न जान्नुपर्छ । कुनै पनि निर्णय साथ मिलेर लिनुपर्छ र कुनै निर्णय गलत भए एकअर्कालाई आरोप नलगाई त्यसको साझा जिम्मेवारी लिनुपर्छ ।

– कुनै पार्टी वा विवाह समारोहमा जाँदा आफ्नो कपडा, शृंगार आदिका बारेमा पार्टनरको राय लिनुपर्छ ।

– श्रीमान्–श्रीमतीलाई बुझ्न तिनका मित्रलाई पनि बुझ्नुपर्छ । अतः एकअर्काको साथीसंगिनीबाट परिचित हुनुपर्छ ।

– कुनै पनि मुद्दामा विवाद भए मूल विषयमा केन्द्रित रहेर त्यसको समाधान खोज्नुपर्छ । मूल विषयबाट हटेर एकअर्काको परिवारजनसम्मको कुरा मिसाएर आरोप प्रत्यारोपमा लाग्नु ठीक होइन ।

– स्वयंलाई फिट र स्फूर्त राख्न केही समय व्यायाम पनि गर्नुपर्छ । शरीरलाई उमेरअनुसार फिट राख्नु आवश्यक छ ।

– विवाद र मतभेदबाट जोगिनुको अर्थ त्यसबाट भाग्नु होइन । आ–आफ्नो विचार शालीन रूपमा व्यक्त गर्नुपर्छ । सकारात्मकताका साथ स्थायी समाधान खोज्नुपर्छ ।

– सम्भव भएसम्म चिया नास्ता, लन्च वा डिनर साथै गर्नुपर्छ ।

– आपसी तालमेल कायम गर्न परस्पर सहयोग कायम राख्नुपर्छ ।

– आपसी सम्बन्धमा आई लभ यु र मिस यु को अभिव्यक्तिले अक्सिजनको काम गर्छ ।

– सुखी र सुमधुर वैवाहिक जीवनमा समर्पणले धेरै महत्व राख्छ । यदि श्रीमान्–श्रीमती एकअर्काप्रति पूर्ण रूपले समर्पित छन् भने जीवनको हरेक पल सुखद रहन्छ ।

– घरगृहस्थीबाट समय निकालेर डेटिङमा जानु पनि राम्रो हुन्छ ।

– आफ्नो पार्टनरलाई आफ्नो जीवनमा उसको कति महत्व छ आभास गराउनु पनि आवश्यक छ ।



Leave a Reply

Your email address will not be published. Required fields are marked *

सम्बन्धित खबरहरु

पछिल्लो पुस्ताकी चर्चित गायिका हुन्– एलिना चौहान । ‘इन्स्टाको फोटो’ को कभर गीत गाएर चर्चामा आएकी चौहानले यो अवधिमा थुप्रै

काठमाडौंकी सुस्मिता दुलाल (नाम परिर्वतन) ले ३० वर्षको उमेरमा विवाह गरिन् । विवाह भएको दुई वर्षपछि उनको गर्भ रह्यो ।

नेपाली सांगीतिक बजारकी चर्चित गायिका हुन्– ज्योती मगर । उनका दर्जनौं गीत हिटको सुचीमा छन् । मगरको असामान्य गतिविधिले बेला–बेला

अकेला मान्छेको मन न हो, कुनबेला कोसँग ठोक्किन्छ । थाहै नहुने । प्रेमको अंकुरण पलाउन, मायाको सानो झिल्को नै काफी