१४ सांसदविरुद्धको मुद्दाको सुनुवाइ सर्यो
नेकपा एमाले अध्यक्ष केपी शर्मा ओलीले माधव नेपालसहित १४ सांसद्विरुद्ध सर्वोच्च अदालतमा दायर गरेको निवेदनमा चैत २७ गते पेसी तोकिएको छ । न्यायाधीश नहकुल सुवेदीले उक्त मुद्दामा हेर्न नमिल्ने भएपछि आइतबार मुद्दाको सुनुवाइ सरेको हो ।
इजलासमा पक्ष र विपक्षका कानुन व्यवसायी बहसका लागि पुगेपछि न्यायाधीश सुवेदीले मुद्दा आफूले हेर्न नमिल्ने जानकारी गराएका थिए ।
उनले यसअघि सांसद सोमप्रसाद पाण्डेको मुद्दामा आफूले अन्तरिम आदेश जारी गरेको र एकीकृत समाजवादीको पार्टीबारे धारणा दिएकाले यस मुद्दाको सुनुवाइमा बस्न नमिल्ने बताएका हुन् ।
उनले इजलासमा नबस्ने भनेपछि निवेदकका कानुन व्यवसायीहरूले इजलासबाट सुनुवाइको मिति तोकिनुपर्ने माग गरेका थिए ।
यो पनि…
स्थानीय तह निर्वाचन : ‘नेतृत्वमा महिला आउनैपर्छ’
नेपाल र भारतबीच ऊर्जामा महत्त्वपूर्ण उपलब्धि
