युक्रेनी सेनाले फेला पार्यो २० सर्वसाधारणको शव
युक्रेनी सेनाले राजधानी किभ नजिकैको बुचा शहरको सडकमा २० सर्वसाधारणको शव फेला परेको जनाएको छ । सो शहरलाई युक्रेनी सेनाले रूसी फौजबाट हालै आफ्नो नियन्त्रणमा राख्न सफल भएको थियो ।
फेला परेका २० वटै शव पुरुषहरूको रहेको बताइएको छ । तीमध्ये एउटा शवको दुबै हात पछाडि बाँधिएको थियो । शवहरू राजधानीको उत्तरपश्चिमको आवासीय सडकमा छरिएका थिए । मृत्युको कारण प्रस्ट हुन सकेको छैन । यद्यपि, एक जनाको टाउकोमा ठूलो चोट लागेको थियो ।
राजधानी किभलाई घेरा हाल्ने प्रयास बिफल भएभएछि रूसी फौज किभनजिकैका धेरै शहरबाट फर्किएको छ भने युक्रेनले बुचा ‘स्वतन्त्र’ भएको घोषणा गरेको छ । तर युद्धका कारण शहर ध्वस्त बनेको छ । अपार्टमेन्ट ब्लकहरू गोलाबारीले छियाछिया बनेका छन् ।
यो पनि…
राष्ट्रपति जेलेन्स्कीले सोधे- रूसी सेनाको लक्ष्य के हो ?
यी हुन् विश्व इतिहासमा आज भएका घटनाक्रम
