अपार्टमेन्ट किन्ने कि घर बनाउने ?

भूकम्प, आगलागी जस्ता प्राकृतिक प्रकोप कुन बेला आउँछ पत्तो हुन्न । तर, आउँदा व्यक्तिगत घरभन्दा अपार्टमेन्ट बढी सुरक्षित हुन्छ । अपार्टमेन्ट बनाउँदा धेरै परिवार र ठूलो समुदाय एउटै घरमा बस्छन् भन्ने भएपछि सुरक्षाको हिसाबमा यो बढी सुरक्षित हुन्छ ।

यसमा भूकम्प प्रतिरोधी सामग्रीहरूको प्रयोग गर्ने एवं आगलागीबाट बच्न निर्माण समयदेखि नै पूर्वाधारको विकास गरिएको हुन्छ । अधिकांश निजी घर बनाउँदा यसबारे ध्यान दिइएको हुँदैन । सस्तोमा घर बनाउँदा सुरक्षामा ध्यान दिइँदैन । त्यसैले, प्राकृतिक प्रकोपको जोखिमका हिसाबले घरभन्दा अपार्टमेन्टमा बस्नु सुरक्षित देखिन्छ ।

अपार्टमेन्टका सुविधा

अपार्टमेन्टमा पाइने तर घरमा नपाइने मुख्य सुविधा भनेको त सुरक्षा नै हो । यसका अतिरिक्त अपार्टमेन्टभित्रै अभ्यास गर्ने ठाउँ, स्वीमिङ पुल र ग्रोसरी सुविधा पाइन्छ । अपार्टमेन्टमा बस्दा बालबच्चा कम्पाउन्डमा हिँडडुल गर्न सहजै सक्ने र गुडिरहेको गाडीले ठक्कर दिने जस्ता जोखिम कम हुन्छ । सबै तरिकाको सुरक्षाको लागि अपार्टमेन्टमा सुविधा बढी हुन्छ ।

अपार्टमेन्टमा बस्दा ध्यान दिनुपर्ने कुरा

अपार्टमेन्ट खरिद गर्दा केही मूलभूत विषयलाई ध्यान दिनुपर्छ । अपार्टमेन्ट खरिद गर्दा आफ्नो आम्दानीको स्रोत र आफूसँग भएको सम्पत्तिको आधारमा कति मूल्यको अपार्टमेन्ट किन्ने ? त्यो विषयमा यकिन हुनुपर्छ ।

अपार्टमेन्ट किन्ने यकिन भइसकेपछि आम्दानी र सम्पत्तिको आधारमा अपार्टमेन्टको कानुनी प्रक्रियाबारे सबैभन्दा पहिले बुझ्नुपर्छ । कानुनी कुरा मिलेपछि त्यहाँभित्र रहेको अस्पताल, विद्यालय जस्ता सुविधा कति पर छन् र त्यो त्यहाँबाट आउजाउ गर्न सहज छ कि छैन यकिन गर्नुपर्छ ।

अपार्टमेन्ट लिँदा बैंकले पछि ऋण लगानी गर्ने/नगर्ने कस्तो खालको छ ? त्यो बुझ्नुपर्छ । विवादित ठेकेदार वा मापदण्ड पूरा भएको छैन भने बैंकले ऋण लगानी नगर्न सक्छ । त्यो कुरा पहिले नै ध्यान दिनुपर्ने हुन्छ ।

यो पनि
घरमा रोप्नुहोस् यी औषधीय गुण भएका बिरूवाहरू
घरलाई यसरी सजाउँदा देखिन्छ सबैभन्दा आकर्षक