सिटी, लिभरपुल र क्रिस्टल प्यालेस सेमिफाइनलमा
इंग्लिस प्रिमियर लिगका महारथी क्लबहरू म्यानचेस्टर सिटी, लिभरपुल र क्रिस्टल प्यालेस एफए कपको सेमिफाइनलमा प्रवेश गरेका छन् ।
आइतबार राति भएको खेलमा प्रिमियर लिगको शीर्षस्थानमा रहेको म्यानचेस्टर सिटीले साउथह्याम्टनमाथि उसकै मैदानमा ४–१ को सानदार जित निकाल्यो ।
सिटीको फराकिलो जितमा रहिम स्टर्लिङ, केभिन डि ब्रुएन, फिल फोडेन र रियाद महारेजले गोल गरे । सिटीका रक्षक एमरिक लापोर्टाले आत्माघाती गोल गरेका थिए ।
अर्को खेलमा लिभरपुलले नथिङघम फरेस्टलाई १–० ले पराजित गर्यो । लिभरपुलको जितमा डिएगो जोटाले ७८औं मिनेटमा निर्णायक गोल गरे ।
अर्को खेलमा क्रिस्टल प्यालेसले एभर्टनमाथि ४–० अन्तरको सहज जित निकाल्यो । प्यालेसको जितमा मार्क गुही, जिन फिलिप माटेटा, वेलफ्रेड जाहा र विल ह्युगले गोल गरे ।
योसँगै एफए कपको सेमिफाइनलको समिकरण पूरा भएको छ । सेमिफाइनलमा चेल्सी र क्रिस्टल प्यालेस तथा सिटी र लिभरपुलबीच प्रतिस्पर्धा हुनेछ ।
यो पनि….
पीएसजीको पोस्टमा मोनाकोको तीन गोल
राजर्षि जनक कप : पिप्ले सेमिफाइनलमा
इङ्ल्यान्डद्वारा न्युजिल्यान्ड १ विकेटले पराजित
क्रिकेट : अफ्रिकी भूमिमा बंगलादेशको ऐतिहासिक जित
विश्वकप लिग–२ः युएईसँग नेपाल पराजित
