विश्वकप लिग–२ः युएईसँग नेपाल पराजित
आइसिसी क्रिकेट विश्वकप लिग–२ अन्तर्गतको त्रिकोणात्मक सिरिजमा युएईसँग नेपाल पराजित भएको छ् । दुबईमा भएको खेलमा घरेलु टिमले नेपाललाई ४८ रनले पराजित गरेको हो ।
युएईले दिएको १६९ रनको मध्यम लक्ष्य पछ्याएको नेपाल ३५.१ ओभरमा १२० रनमै अलआउट भएको थियो । नेपालले सरुवाती चरणमा राम्रो प्रदशन गरे थियो ।
नेपालका ओपनरद्वय कुशल भुर्तेल ११ रन र आसिफ शेख ७ रनमा आउट भए। लगत्तै दीपेन्द्रसिंह ऐरी ४ रनमा रनआउट भए । ज्ञानेन्द्र मल्लले २८ रन जोड्दा रोहितकुमार पौडेलले ४६ रन बनाए। रोहितले ६० बलमा ४ चौका प्रहार गरे।
आरिफ शेख ०, सोमपाल कामी ६ रन, कमलसिंह ऐरी ० र कप्तान सन्दीप लामिछाने ७ रनमा आउट भए। करण केसी पनि अन्तिम विकेटको रुपमा ६ रनमा बोल्ड भए।
बलिङमा युएईका बासिल हमीदले ४ विकेट र जुनइद सिद्धिकीले ३ विकेट लिए। त्यसअघि दुबईमा टस जितेर पहिले ब्याटिङ गरेको युएई ४६।३ ओभरमा १६८ रनमा अलआउट भयो।
यो पनि…
सुमनले यसकारण छाडे नेपाल पुलिस क्लब
भलिबलप्रेमी परिवार : कोही राष्ट्रिय रेफ्री, कोही राष्ट्रिय टिममा
