कलाकारहरूको फेसबुक ह्याक गर्ने १४ वर्षीय बालक पक्राउ



अभिनेत्री दीपाश्री निरौला, अभिनेता सरोज खनाल, गीतकार दयाराम पाण्डे लगायतका कलाकारहरूको फेसबुक ह्याक गर्ने बालक पक्राउ परेका छन् । फेसबुक एकाउन्ट ह्याक गरी विभिन्न व्यक्तिहरूसँग पैसा माग गर्ने पर्सा, बहुदरमाई नगरपालिकाका १४ वर्षीय बालकलाई प्रहरीले सोमबार पर्साबाट पक्राउ गरेको हो ।

ती बालकले विद्युतीय कारोबार ऐन, २०६३ बमोजिमको कसुर गरेको पाइएपछि जिल्ला अदालत काठमाडौंको आदेशअनुसार जिल्ला प्रहरी कार्यालय पर्साको सहयोगमा पक्राउ गरी थप अनुसन्धान गरिरहेको साइबर ब्युरोका प्रमुख डिआइजी रामकृपाल साहले जानकारी दिए । ‘गत सोमबार साइबर ब्युरोमा सुरुमा फेसबुक ह्याक भयो भन्दै गीतकार दयाराम पाण्डे आउनुभयो । केही समयमै दीपाश्री र सरोज खनाल ह्याक भयो भन्दै आउनुभयो,’ साहले भने, ‘उहाँहरूको जाहेरीको आधारमा अनुसन्धान गर्दा १४ वर्षीय बालकले ह्याक गरेको पत्ता लागेपछि ती बालकलाई हिजो पक्राउ गरेर अनुसन्धान थालिएको छ ।’

पछिल्लो समय साइबर अपराधको क्रम बढ्दै गएको छ । ब्युरोमा मात्रै दैनिक ३० जनासम्म साइबर अपराधका निवेदन लिएर आउने गरेको साह बताउँछन् ।

No photo description available.



Leave a Reply

Your email address will not be published. Required fields are marked *

सम्बन्धित खबरहरु

युवा पुस्तामाझ निकै लोकप्रिय गायक हुन्– स्वप्न सुमन । कभर गीत गाएरै चर्चामा आएका सुमन यतिबेला सांगीतिक कार्यक्रममा व्यस्त छन्

बल्खु चोकदेखि सय मिटर पूर्वतर्फको उकालोमा रहेको ‘टुबेल बास्केट्स क्याफे’मा म कसैलाई कुर्दै छु । एक महिनाअघि देखिको भेट्ने योजना

आज तिहारको दोस्रो दिन अर्थात लक्ष्मी पूजा । सधैं तेस्रो दिन पर्ने लक्ष्मी यसपाली तिथि घटबढका कारण दोस्रो दिन नै

सन् २०१२ मा मिस नेपाल अर्थ भएकी नग्मा श्रेष्ठ सन् २०१७ मा ‘मिस युनिभर्स नेपाल’ घोषित भइन् । हिडेन ट्रिजरले