ललितकला प्रदर्शनीमा ५९६ कलाकृति



ललितकला क्षेत्रको उत्सवको रूपमा मानिने राष्ट्रिय ललितकला प्रदर्शनी २०७८ को तयारी अन्तिम चरणमा पुगेको छ । पहिलोपटक ‘राष्ट्रिय ललितकला प्रदर्शनी कार्यविधि, २०७६’ लागू गरी आगामी वैशाख २ गतेबाट शुरु हुन लागेको प्रदर्शनी यसपाली स्वच्छ, पारदर्शी र व्यवस्थित गर्न लागिएको नेपाल ललितकला प्रज्ञा प्रतिष्ठानका कुलपति केके कर्माचार्यले जनाए ।

प्रदर्शनी सञ्चालनका लागि कर्माचार्यको संयोजकत्वमा ८४ सदस्यीय मूल समिति बनेको छ । त्यस्तै कार्यकारी समिति र उपसमिति गठन गरेर तयारी तीब्र पारिएको छ । प्रतिष्ठानले सोमबार काठमाडौँमा पत्रकार सम्मेलन गर्दै यस पटकको प्रदर्शनीमा ४४४ कलाकारका ५९६ कलाकृति समावेश हुने जनाएको छ ।

यसवर्ष प्रदर्शनीमा प्रदेश १ बाट ३१, प्रदेश २ बाट ६३, वागमती प्रदेशबाट २८९, गण्डकी प्रदेशबाट ४०, लुम्बिनी प्रदेशबाट ३३, कर्णाली प्रदेशबाट ९ र सुदुरपश्चिम प्रदेशबाट आठ कलाकारका सिर्जना समावेश गरिएको छ । गएको वर्षको प्रदर्शनी भने कोभिड–१९ का कारण प्रभावित बनेको थियो । औपचारिकरुपमा नभए पनि अनलाइन माध्यमबाट कार्यक्रम गरिएको थियो । राष्ट्रपति विद्यादेवी भण्डारीबाट उद्घाटन हुने प्रदर्शनी आवश्यक स्वास्थ्य मापदण्ड अपनाएर भौतिक उपस्थितिमा गरिने जनाइएको छ ।

वैद्य र श्रेष्ठलाई राष्ट्रिय अरनिको सम्मान

प्रतिष्ठानले यसपालि ‘राष्ट्रिय अरनिको प्रज्ञा सम्मान’बाट कलाकारद्वय वत्सगोपाल वैद्य र प्रवीणकुमार श्रेष्ठलाई सम्मान गर्ने भएको छ । उक्त सम्मानको राशी जनही नगद एक/एक लाख रुपैयाँ रहेको छ ।

यस्तै, राष्ट्रिय ललितकला पुरस्कारअन्तर्गत हस्तकला, शिल्पकला विधातर्फ अनुकुमार केसी, मूर्तिकलातर्फ भाजुरत्न शाक्य र तमबहादुर पुन, परम्परागत चित्रकलातर्फ राजकुमार राना, आधुनिक चित्रकलातर्फ कृष्णप्रकाश शाह, लोककलातर्फ हरेराम यादव र वास्तुकला तथा अन्य सिर्जनात्मक कलातर्फ प्रकाश पुनमगरलाई पुरस्कार प्रदान गरिने भएको छ । उहाँहरुको पुरस्कार राशि जनही रु ६० हजार रहेको छ ।

प्रतिष्ठानले जनही नगद रु २५ हजार राशि रहेको विशेष पुरस्कारतर्फ विधागत रूपमा १७ कलाकारको नामसमेत सार्वजनिक गरेको छ । सोही राशि रहेको राष्ट्रिय ललितकला लेखक पुरस्कार नविन्द्रराज भण्डारी र राष्ट्रिय ललितकला पत्रकारिता पुरस्कार दीपक श्रेष्ठलाई प्रदान गर्ने घोषणा गरिएको छ । प्रतिष्ठानले प्रदेशगत रूपमा ललितकला प्रादेशिक पुरस्कार पाउने सात कलाकारको नामसमेत घोषणा गरेको छ । रासस



Leave a Reply

Your email address will not be published.

सम्बन्धित खबरहरु

राजधानीको माइतीघरमा सोमबार निर्मला कुर्मीका न्यायका लागि बृहत नागरिक आन्दोलन अन्तर्गत विरोध प्रदर्शन गर्ने क्रममा शिल्पी थिएटरद्वारा सडक नाटक समेत

नविन रायमाझी, अमेरिका । अंग्रेजी भाषामा एउटा भनाई छ, ‘अमेरिकन लाइफ, जापानीज वाइफ एण्ड चाइनिज फुड’ अर्थात् अमेरिकी जीवन, जापानी

आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज शुक्रबार देशभर सार्वजनिक बिदा दिएको छ।समुदायले

काठमाण्डौस्थित स्टुडियो थिएटरमा पौष २९ गते देखि नाटक देउराली डाँडीको मन्चन सुरु भएको छ । एक्टर्स स्टुडियोको सहकार्यमा वान वल्र्ड

Suggested