बाइडेनको अभिव्यक्तिले रूसमा तरंग
अमेरिकी राष्ट्रपति जो बाइडेनले रूसी राष्ट्रपति भ्लादिमिर पुटिनलाई गरेको टिप्पणीले रूस तरंगित बनेको छ । युक्रेनमाथि रूसी हमलालाई लिएर राष्ट्रपति जो बाइडेनले पुटिनलाई ‘युद्ध अपराधी’ भनेका थिए ।
बाइडेनको सो टिप्पणी अक्षम्य र अस्वीकार्य बयानबाजी भएको रूसी समाचार संस्था तासले जनाएको छ । पुटिनका प्रवक्ता दिमित्रि पेस्कोभको भनाई उदृत गर्दै तासले लेखेको छ, ‘हामी राष्ट्रप्रमुखको यस्तो अभिव्यक्ति अस्वीकार्य अनि अक्षम्य मान्छौ ।’
राष्ट्रपति बाइडेनको टिप्पणीले दुई देशबीच कूटनीतिक तनाव बढ्न सक्ने अनुमान गरिएको छ । बाइडेनले आवेशमा आएर पुटिनलाई व्यक्तिगत ढंगले गालीगलौचमा उत्रिएको विश्लेषण हुन थालेको छ ।
यो पनि…
रूस–युक्रेन द्वन्द्व : यस्ता छन् पछिल्ला घटना
