शान्तिको नेतृत्व गर्न बाइडेनलाई जेलेन्सकीको ‘विशेष’ अनुरोध
युक्रेनका राष्ट्रपति भोलोदिमिर जेलेन्सकीले अमेरिकी राष्ट्रपति जो बाइडेनलाई शान्तिको नेतृत्व गर्न ‘विशेष’ अनुरोध गरेका छन् । अमेरिकी कङ्ग्रेसलाई गरेको ऐतिहासिक सम्बोधनको अन्त्यमा उनले बाइडेनलाई विश्वको र शान्तिको नेता बन्न आग्रह गरे ।
‘राष्ट्रपति बाइडेन, तपाईँ आफ्नो देशको नेता हो । म तपाईँ विश्वको नेता हुनुहोस् भन्ने कामना गर्छु । विश्वको नेता हुनु भनेको शान्तिको पनि नेता हुनु हो,’ उनले आफ्नो सम्बोधनको अन्त्यतिर भने ।
बीबीसीका अनुसार भावुक मुद्रामा प्रस्तुत भएका जेलेन्सकीले थप युक्रेनी बालबालिकाहरूको मृत्यु रोक्न नसके ‘जीवनको अर्थ नदेखेको’ बताएका थिए ।
अमेरिकामा शान्ति कायम गर्न देशका राष्ट्रपति र जनतामा मात्रै निर्भर नरहने भन्दै उनले भने, ‘त्यो तपाईँको वरपर र अरू शक्तिशालीहरूमा पनि भर पर्छ ।’ उनले आफ्नो देशका जनताहरू आफ्ना लागि मात्रै नभएर युरोप र विश्वको मान्यताका लागि पनि युद्ध लडिरहेको बताए ।
यो पनि…
रुसी हमलामा मारिए फक्स न्युजका पत्रकार
अमेरिकाले अस्वीकार गर्यो रसियाको माग
