आईपीलमा प्रशिक्षकको भूमिकामा मालिंगाको प्रवेश
श्रीलंकाका पूर्व फास्ट बलर लसिथ मालिंगा इन्डियन प्रिमियर लिग (आईपीएल) मा पहिलोपटक प्रशिक्षकको भूमिकामा देखिने भएका छन् । मालिंगा यस सिजनमा राजस्थान रोयल्सको बलिङ प्रशिक्षकको रूपमा हुनेछन् ।
राजस्थान रोयल्स (आर आर)ले इन्डियन प्रिमियर लिग (आईपीएल) को १५औँ सिजनका लागि श्रीलंकाका खेलाडी लसिथ मालिंगालाई बलिङ प्रशिक्षकको रूपमा नियुक्त गरेको छ ।
मालिंगा यो लिगमा पहिलोपटक प्रशिक्षकको भूमिकामा देखिनेछन् । यसअघि, उनले मुम्बई इन्डियन्सबाट धेरैपटक उपाधि जितिसकेका छन् ।
३८ वर्षीय मालिंगाले हालै अस्ट्रेलिया भ्रमणका क्रममा श्रीलंकाली टोलीको बलिङ प्रशिक्षकको जिम्मेवारी सम्हालेका थिए । लसिथ मालिंगा पहिलो सिजनदेखि मुम्बई इन्डियन्ससँग थिए ।
उनले आफ्नो अन्तिम लिग २०१९को फाइनलमा चेन्नेई विरुद्धको खेल खेलेका थिए । यस खेलमा पनि उनले आफ्नो बलिङबाट मुम्बई इन्डियन्सलाई चौथोपटक उपाधि दिलाएका थिए ।
पहिलोपटक मालिंगा मुम्बई इन्डियन्सलाई छाडी राजस्थान फरक ड्रेसिङको रूपमा देखिनेछन् ।
यो पनि
दीपेन्द्रसिंह ऐरी ‘आईसीसी प्लेयर अफ द मन्थ’ काे मनाेनयनमा
बिहेअघि नै प्रेमिकामार्फत बुबा बनेका यी क्रिकेटर
