गर्मी मौसमका लागि फेसन टिप्स
गर्मीको मौसम शुरु भएको छ । चर्काे घाममा सबैले आफ्नो छालामा विशेष ध्यान दिन जरुरी हुन्छ । फेसनको बारेमा कुरा गर्दा कहिलेकाहिँ महिलालाई कसरी सुन्दरता अपनाउने भनेर निर्णय गर्न धेरै गाह्रो हुन्छ । गर्मीमा सुन्दर र स्टाइलिस देखिन यी टिप्सहरूको पालना गर्न सक्नुहुन्छ ।
पहिरन
गर्मीमा शीतल हुने पहिरन मात्र छान्नुपर्छ । यो मौसममा कटन, मलमल, लेनिन आदिका पहिरन उपयुक्त हुन्छ । यी पहिरनले स्टाइलिस देखिनुका साथै गर्मीमा शितलता प्रदान पनि गर्छ ।
गहना
गर्मीमा सकेसम्म थोरै गहना लगाउने प्रयास गर्नुहोस् । यदि, गहना लगाउनु छ भने सानो झुम्काहरूको प्रयोग गर्न सक्नुहुन्छ । साथै, गर्मीको समयमा बासलेट, औंठी र धातुका गहनाहरूबाट टाढा रहनुहोस् । यस्ता वस्तुले पसिना ल्याई सुन्दरतालाई बिगार्न सक्छ ।
हेयर स्टाइल
उचित हेयर स्टाइलले मानिसलाई आकर्षक देखाउँछ । कपाललाई राम्रो आकार दिनु, सफा र चम्किलो अनुहार हुनु पनि फेसनवाला व्यक्तिको लक्षण हो ।
चस्मा र ह्याट
सुन्दर आँखामा कालो, खैरो, गुलाबी चस्मा र फरक फरक डिजाइनका ह्याट भए सुन्दरतामा अझ निखार आउँछ । यसका लागि बजारमा ब्रान्डेड कम्पनीका विभिन्न डिजाइनमा चस्मा र ह्याटहरू पाइन्छन् ।
रङ्ग
सेतो सुती, मलमल र लेनिनको पहिरन गर्मीका लागि राम्रो हन्छ । गर्मीमा कालो रंगको पहिरन उचित हुँदैन । कालो रंगले बढी गर्मी गराउँछ । बरु यसको सट्टामा नीलो, हरियो तथा हल्का रंगले शीतलता प्रदान गर्छ ।
यो पनि…
ग्ल्यामर्स देखिन अपनाउनुहोस् यस्ता फेसन टिप्स
युवतीका लागि यी हुन् उत्कृष्ट फेसन टिप्स
