बजेट कम : सजावट धेरै

सबैले आफ्नो घर सुन्दर होस् भन्ने चाहन्छन् । कहिलेकाही हामी आफ्नो आर्थिक स्थितिले गर्दा घरलाई सजाउन सक्दैनौँ । त्यसैले, आज हामी, सजिलो र सस्तो तरिकाले घर सजाउने उपायहरू लिएर आएका छौँ ।

कलर

घरलाई आकर्षक ढंगले सजाउनका लागि उपयुक्त कलरको छनोट गर्न सबैभन्दा गाह्रो निर्णय हो । बोल्ड वा नरम रङको प्रयोगले घरमा चमक थपिन्छ । साथै, भित्तामा कालो रङको पेन्टिङ गर्दा थप आकर्षक देखिन्छ ।

झ्यालको सजावट

घरलाई आकर्षक बनाउन झ्यालको सजावट धेरै आवश्यक हुन्छ । झ्यालको सजावट गर्न धेरै सहज छ । आकर्षक झ्यालबिना घर अधुरोे देखिन्छ । झ्यालमा पर्दाको छनोट गर्दा प्राकृतिक रेशम, सूती कपडा र कपासयुक्त गर्नुपर्दछ । पर्दाको छनोट गर्दा भित्तामा लगाइएको कलर, बेड, सोफाहरू तथा गलैँचाको कलरसँग मेलखाने हुनुपर्दछ ।

लाइट

आकर्षक लाइटिङले घरलाई निकै सुन्दर लुक्स दिन्छ । त्यसैले, डिजाइनर लाइट फिक्स्चर्स प्रयोग गर्दा तपाईंको घरमा अधिक सुन्दरता थपिन्छ । साथै, सस्तो मूल्यमा पनि झुमरु लाइट पाउन सक्नुहुन्छ । घरको सुन्दरतामा बत्तीको छनोट एकदमै महत्वपूर्ण मानिन्छ । अहिले धेरैले आफ्नो घरमा लाइटिङमा निकै ध्यान दिइएको पाइन्छ ।

सरसफाइ

घरलाई आकर्षक र सुन्दर देखाउने सबैभन्दा सजिलो तरिका सरसफाइ नै हो । घर दैनिक सरसफाइ गर्नुपर्छ । सामानहरू मिलाएर राख्नुपर्दछ । फर्निचर, झ्याल, ढोका, दराजलगायत सफा गरिरहनुपर्छ । जुत्ता र कपडाहरू मिलाएर राख्न सकिन्छ । घरमा नियमित सरसफाइले घरभित्र पस्दा फ्रेस महशुस हुन्छ ।

यो पनि…
इन्टेरियर डेकोरेसनले घरलाई सुन्दर बनाउनुहोस
बाथरूमकाे सरसफाइले देखाउँछ घरको सुन्दरता