English

एनआरएनए र आईएलओको सहकार्य, २८ हजार श्रमिक लाभान्वित



गैरआवासीय नेपाली संघ (एनआरएनए) ले सञ्चालन गरेको ‘थ्री आर’ अर्थात्, ‘सहायता, स्वदेश फिर्ता र पुनःस्थापना’ प्रोजेक्टमार्फत झण्डै २८ हजार श्रमिकले प्रत्यक्ष लाभ लिएका छन् ।

संघ अन्तर्गतको वैदेशिक रोजगार तथा कल्याणकारी विभागले अन्तर्राष्ट्रिय दातृ निकायसँगको सहकार्यमा विदेशमा अलपत्र नेपालीका लागि चलाएको यो कार्यक्रमार्फत २७ हजार ९५६ जना श्रमिक लाभान्वित भएका हुन् ।

संघले अन्तर्राष्ट्रिय श्रम संगठन आईएलोको १० करोड आर्थिक सहयोगमा यो परियोजना सञ्चालन गरेको थियो । सन् २०२० को अगष्टदेखि शुरु भएको परियोजना २०२२ को फेब्रुअरीसम्म चलेको संघले जनाएको छ ।

अप्ठेरोमा परेकालाई सहयोग र उद्धार

कार्यक्रमका संयोजक समेत रहेका संघका उपाध्यक्ष डा. बद्री केसीका अनुसार यस परियोजना अवधिभर २८ हजार ५५७ नेपाली सूचीकृत भएका थिए । तीमध्ये २७ हजार ९ सय ५६ जनालाई सहयोग उपलब्ध गराइएको हो ।

यो कार्यक्रममार्फत खाना तथा बासको व्यवस्था, घर फिर्तीका लागि आंशिक हवाई टिकट, कानुनी सहायता, पीसीआर परीक्षण, मानसिक स्वास्थ्य परामर्शमा सहयोग पुर्याइएको डा. केसीले जानकारी दिए ।

कार्यक्रममार्फत १२ हजार ५१७ जनालाई मानसिक परामर्श सेवा उपलब्ध गराइएको थियो । यस्तै, विभिन्न कारणले कागजातविहीन भएका ५ हजार २५० श्रमिकलाई डकुमेन्टेसनमा सहयोग पुर्याइएको थियो । यसैगरी, ३ हजार ६९४ जनालाई खाना र बस्नको व्यवस्था गरिएको थियो ।

कार्यक्रमले ५३१ जनालाई कानुनी सहायता उपलब्ध गरिएको संघद्वारा जारी विज्ञप्तिमा उल्लेख छ । समस्यामा परेका नेपाली श्रमिकमध्ये घर फिर्तीका लागि ७ सय ४९ जनालाई पीसीआर तथा ९ सय ८७ जनालाई आंशिक हवाई टिकटको व्यवस्था गरिएको संघले जनाएको छ ।

२ सय ३४ जना नेपालीलाई जेलमुक्त र स्वदेश फिर्ता

यो अवधिमा संघले विभिन्न देशमा कैदी जीवन बिताइरहेका २ सय ३४ जना नेपालीलाई जेलमुक्त गराएर स्वदेश फिर्ता ल्याउन सफल भएको दाबी संघको छ । दूतावासको समन्वयमा जरिवाना वापतको रकम तिरेर उनीहरुलाई जेलमुक्त गरिएको संघले जनाएको छ ।

त्यसैगरी, कोभिड कारण रोजगारी गुमाएका २ सय ५५ नेपालीलाई पुनः काम दिलाइएको छ । त्यस्तै, अलपत्र परेका १ हजार ४ सय ३५ जनालाई सम्बन्धित देशको सुरक्षित सेल्टरसम्म पुर्याउन यातायात खर्च उपलब्ध गराइएको संघले जनाएको छ ।

विदेशीबाट काठमाडौंसम्म उद्धार गरी ल्याइएका १ हजार २७७ नेपालीलाई आ–आफ्नो घरसम्म जानका लागि यातायात खर्च उपलब्ध गराइएको विज्ञप्तिमा उल्लेख छ। । यस्तै, १ सय ७४ जना श्रमिकलाई काठमाडौंमा होटल क्वारेटिनको व्यवस्था गरिएको थियो ।

देशअनुसार यो कार्यक्रममार्फत साउदी अरेवियामा ७ हजार ६ सय ५६, कतारमा ६ हजार ९ सय ८५, मलेसियामा ४ हजार १ सय ७०, यूएईमा ३ हजार ४ सय ६५, कुवेतमा ९०, ओमनमा ३४, बहराइनमा ३३, कम्बोडियामा २२, र रसियामा २ जनाले सहयोग पाएको परियोजना प्रमुख सुजता शर्माले जानकारी दिइन् ।

यो कार्यक्रम अन्तर्गत नै रसियाबाट नेपाली श्रमिक महिला र उनको दूधे बालिका तथा यूएईबाट जुम्ल्याहा दूधे बालिका र उनकी आमालाई उद्धार गरिएको थियो ।

खाडी र मलेसियामा मात्र होइन, यसअघि, अवैध रूपमा कामको सिलसिलामा कम्बोडियामा पुगेर समस्यामा परेका २२ जना नेपाली युवालाई समेत यही कार्यक्रममार्फत तत्काल राहत प्रदान तथा उद्दार गरी नेपाल फर्काइएको थियो ।

यो पनि
एनआरएनए निर्वाचन अनुगमनको जिम्मा कसलाई ?
लण्डन दूतावासमा अबदेखि कार्ड भुक्तानी मात्रै



Leave a Reply

Your email address will not be published. Required fields are marked *

सम्बन्धित खबरहरु

बाढी–पहिरोले देशभरका विभिन्न सडक अवरुद्ध भएका छन् । जसका कारण सामान ढुवानीमा समेत ठूलो असर परेको छ । अविरल वर्षा

नव गायक राज सापकोटा र गायिका समिक्षा अधिकारीको युगल स्वरमा रहेको लोक शैलीको ‘चट्ट रुमालमा’ बोलको म्युजिक भिडियो सार्वजनिक भएको

नेपाल क्रिकेट संघ (क्यान) ले सन्दीप लामिछानेलाई केन्द्रीय सम्झौतामा अनुबन्ध गरेको छ । क्यानको केन्द्रीय कार्यसमितिको बिहीबार बसेको बैठकले सन्दीपलाई

कोलम्बो प्लान को सहकार्यमा राधा पौडेल फाउन्डेशन र दक्षिण गोलार्द्धीय मर्यादित महिनावारी संजाल को सहकार्यमा जुलाई १ बाट श्रीलंकाको राजधानी

Popular
Suggested