English

रूस-युक्रेन द्वन्द्व : यी हुन् पछिल्ला घटना



रूसी सेनाले युक्रेनमाथि हमला गरिरहेको छ । युक्रेनी सेनाको प्रतिकारका कारण किभलाई नियन्त्रणमा लिने उसको प्रयास सफल हुन सकेको छैन । रूसी सेनाले दोस्रोपटक किभलाई हमला गरेको छ ।

रूसी सेनाका सयौं बख्तरबन्द किभतर्फ बढिरहेका विवरण सार्वजनिक भएका छन् । अमेरिकी सुरक्षा अधिकारीले रूसी सेनाले एक सातामै किभ ढल्ने प्रक्षेपण गरेका थिए । रूसको गतिविधिलाई विश्व समुदायले निन्दा गरेका छन् । विरोध प्रदर्शन पनि भइरहेका छन् । बीबीसीकाअनुसार अहिलेसम्मका घटना यस्ता छन् :

–रूसी पक्षले दुईवटा शहरका लागि सहमति गरिएको अस्थायी युद्धविरामलाई लागु नगरेको भन्दै सो कार्य स्थगित गरिएको युक्रेनी अधिकारीले बताएका छन् ।
–नेटोले ‘नो–फ्लाई जोन’ स्थापनाका लागि अस्वीकार गरेपछि युक्रेन राष्ट्रपतिले उक्त सैन्य सङ्गठनका नेताहरूको आलोचना गरेका छन् ।
–रूसले फेसबुकमाथि प्रतिबन्ध लगाएको छ । ट्विटर र यूट्यूबको पहुँचमा पनि रोक लगाइएको छ ।
–अमेरिकाले संयुक्त राष्ट्र सुरक्षा परिषद्को आपत्कालीन बैठकमा युरोपको सबैभन्दा ठूलो परमाणु ऊर्जा केन्द्रमा भएको रूसी आक्रमणलाई लापरबाहीपूर्णको संज्ञा दिएको छ ।
–परमाणु ऊर्जा केन्द्रका केही भवनहरू आगो लागेपछि रूसी सेनाले केन्द्रलाई कब्जामा लिएको थियो । जसका कारण केहीको मृत्यु र केही घाइते भएको युक्रेनको दाबी छ । तर रूसले त्यहाँ कुनै सुरक्षा खतरा नभएको र केन्द्रमा गोली प्रहार गरेको कुरा ‘असत्य’ भएको बताउँदै आएको छ । अन्तर्राष्ट्रिय अनुगमनकर्ताहरूले केन्द्रमा कुनै रेडियोधर्मी पदार्थ नरहेको बताएका छन् ।
–पश्चिमा अधिकारीहरूका अनुसार रूसका तीन कमान्डरहरू अग्रपङ्क्तिमा गएपछि मारिएका छन् ।
– युक्रेन युद्धको विरोधमा इङ्गल्यान्डदेखि थाईल्यान्डसम्म प्रदर्शन ।
–विश्वभर विभिन्न सहरमा युक्रेन युद्धको विरोधमा हजारौँले प्रदर्शन गरेका छन् ।
–रूसले अस्थायी युद्धविराम पालना नगर्दा सर्वसाधारणले सहर छोड्न नपाएको युक्रेनको आरोप छ ।
–रूसको विमानसेवाको बेलारूसबाहेक सबै अन्तर्राष्ट्रिय उडान रद्द गरिएका छन् ।
–रूसले युक्रेनी ‘राष्ट्रवादी’ले सर्वसाधारणलाई शहर छोड्न नदिएको आरोप लगाएको छ ।
–पश्चिमा विश्वमाथि रूसले ‘आर्थिक डकैती’को आरोप लगाएको छ ।

मारिओपोलमा गोलाबारी र बम हमला

रूसी सेनाले घेराबन्दी गरेको युक्रेनी सहर मारिओपोलमा तीव्र गोलाबारी भएको विवरणहरू सार्वजनिक भएका छन् । यसअघि मानवीय सहायताका लागि भन्दै रूसी सेनाले सो शहरमा अस्थायी युद्धबिराम घोषणा गरेको थियो ।

रूसी सेनाको गोलाबारीका कारण सर्वसाधारणलाई मारिओपोलबाट बाहिर लैजाने कार्य स्थगित गरिएको युक्रेनी अधिकारीहरूले बताएका छन् ।

रूसी सेनाले बमबारी र गोलाबारी तीव्र पारेको मारिओपोलका मेयर भदयाम बोयचेन्कोले बताएका छन् । ‘आवासीय ब्लकहरूमा निरन्तर गोलाबारी जारी छ । आवासीय क्षेत्रमा विमानले बम खसालि रहेका छन्’ उनको भनाइ उदृत गर्दै एपी समाचार संस्थाले जनाएको छ ।
यो पनि
‘हामीले एक खास रणनीति बनाएका छौँ’- युक्रेन
रूसविरोधी देशहरूलाई पुटिनले किन दिए चेतावनी ?



Leave a Reply

Your email address will not be published. Required fields are marked *

सम्बन्धित खबरहरु

नोबेल पुरस्कार विजेता यासुनारी कावावाताले उपन्यास ‘स्नो कन्ट्री’ मा देश सुन्दर हुने तीनवटा तत्व उल्लेख गरे–प्रकृति,संस्कृति र परिवेश । लाग्छ–साहित्यकार

तमु समुदायको ऐतिहासिक चाड बैशाख पूर्णिमाका अवसर पारेर तमु ट्हो ह्युल हङकङले आफ्नो २६ औं वार्षिकोत्सव मनाएको छ । उक्त

नेपालको अन्नपूर्ण संरक्षण क्षेत्रमा नयाँ प्रजातिको चरा भेटिएको छ । नयाँ प्रजातिको चरा ‘फुस्रो सारौं’ नाममा अभिलेख गरिएको छ ।

वायु प्रदूषण रोक्न विकसित मुलुकहरूले सवारी साधन, कलकारखाना, उद्योगलगायत विभिन्न क्षेत्रमा विशेष मापदण्डहरू तोकी एक्युआई अर्थात् एयर क्वालिटी इन्डेक्समा उत्तम