रुस–युक्रेन युद्ध : दुवै देशका सैनिक सहचारी काठमाडौंको एउटै कार्यक्रममा
गत बिहीबारदेखि रुस र युक्रेनबीच युद्ध चलिरहेको छ । युद्धका कारण सयौंले ज्यान गुमाइसकेका छन् । युद्धलाई रोक्न दुई देशको बैठक बेलारुसमा भयो तर टुङ्गोमा पुग्न सकेन ।
अहिले ठूलो संख्यामा रुसी सेना युक्रेनमा छिरेका छन् । अन्तर्राष्ट्रिय मिडियाका अुनसार रुसको झण्डै ७५ प्रतिशत सेना अहिले युक्रेनभित्र छन् । दुवै देशका सेनाले एकअर्कालाई देखे र भेटे गोली हान्छन् ।
यस्तो अवस्थामा रुस र युक्रेनका सैनिक सहचारी भने काठमाडौंको एक कार्यक्रममा सँगै छन् । यो अवस्था सिर्जना गरिदिएको हो नेपाली सेनाले ।
नेपाली सेनाले प्रत्येक वर्ष शिवरात्रीको दिन सेना दिवस मनाउने गर्छ । मंगलबार सेना दिवसमा अतिथिका रुपमा सहभागी हुन थुप्रै देशका सैनिक सहचारीलाई नेपाली सेनाले निमन्त्रणा गरेको थियो ।
सोही अनुसार नेपालको लागि २१ देशका आवासिय तथा गैरआवासीय सैनिक सहचारी नेपाल आएका थिए । उनीहरू सबै सेना दिवसको अवसरमा टुँडिखेलमा नेपाली सेनाले आयोजन गरेको विशेष कार्यक्रममा सहभागी भएका थिए ।
सोही अनुसार नेपालको लागि २१ देशका आवासीय तथा गैरआवासीय सैनिक सहचारी नेपाल आएका थिए । उनीहरू सबै सेना दिवसको अवसरमा टुँडिखेलमा नेपाली सेनाले आयोजन गरेको विशेष कार्यक्रममा सहभागी भएका थिए ।
सेना दिवसको अवसर पारेर नेपाल आउनेमा चीन, भारत, पाकिस्तान, बेलायत र संयुक्त राज्य अमेरिकाका आवासीय सैनिक सहचारी थिए । यस्तै, बंगलादेश, क्यानडा, रसिया, फ्रान्स, जर्मनी, इन्डोनेसिया, इटाली, इजरायल, मेक्सिको, नाइजेरिया, म्यानमार, फिलिपिन्स, पोल्याण्ड, कोरिया, टर्की, सेनेगल, सुडान, जाम्बिया, रोमानिया र स्वीजरल्याण्डका गैरआवासीय सैनिक सहचारीहरू पनि नेपाल आएका थिए ।
सबै सैनिक सहचारीहरु एकसाथ बुधबार नेपाली सेनाको मुख्यालय जंगी अड्डाको भ्रमण गरेका थिए ।
जंगी अड्डामा युद्धकार्य निर्देशनालयले उक्त भ्रमणदललाई नेपाली सेनासम्बन्धी विषयहरूमा प्रस्तुतीकरण गरेको थियो । प्रस्तुतीकरणपश्चात् प्रधानसेनापति प्रभुराम शर्माले उक्त भ्रमणदलका सैनिक सहचारीहरूसँग भेट गरेका थिए ।
‘छिमेकी मित्रराष्ट्र तथा अन्य देशका सैनिक सहचारीहरूको यस किसिमको भ्रमणले सैनिक कुटनितिमार्फत अन्तरदेशीय सम्बन्ध एवं सैनिक सम्बन्ध अझ सुमधुर र बृहत्तर पार्न थप मद्दत पुग्ने विश्वास नेपाली सेनाले लिएको छ,’ नेपाली सेनाले विज्ञप्ति जारी गरी भनेको छ ।
विभिन्न देशका सैनिक सहचारीहरूले बिहीबार माउण्टेन फ्लाइट गर्ने कार्यक्रम रहेको छ । उनीहरूले बिहीबार नै लुम्बिनी र पोखराको अवलोकन गर्ने नेपाली सेनाको जनसम्पर्क तथा सूचना निर्देशनालयले जनाएको छ । उनीहरू शुक्रबार नेपालबाट फर्कनेछन् ।
‘छिमेकी मित्रराष्ट्र तथा अन्य देशका सैनिक सहचारीहरूको यस किसिमको भ्रमणले सैनिक कुटनितिमार्फत अन्तरदेशीय सम्बन्ध एवं सैनिक सम्बन्ध अझ सुमधुर र बृहत्तर पार्न थप मद्दत पुग्ने विश्वास नेपाली सेनाले लिएको छ,’ नेपाली सेनाले विज्ञप्ति जारी गरी भनेको छ ।
यो पनि
टुँडीखेलमा सेना दिवसको रौनक (फोटोफिचर)
सेना दिवसका अवसरमा दौड प्रतियोगिता
