सेना दिवसका अवसरमा दौड प्रतियोगिता

नेपाली सेना दिवस तथा महाशिवरात्रीको अवसरमा जुम्लामा दौड प्रतियोगिता आयाेजना भएकाे गरिएको छ । नेपाली सेनाले नागरिकसँगको सम्बन्ध सुमधुर बनाउन नन्दाबक्स गण र नम्बर २४ बाहिनी अड्डाकाे आयोजनामा प्रतियोगिता भएकाे हो । प्रतियोगिता दुई चरणमा सञ्चालन गरिएको थियो । ४० वर्षमाथिका र ४० वर्षमुनिका बीच दौड प्रतियोगिता भएको थियो ।

४० वर्षमुनिको पाँच किलोमिटर दौड प्रतियोगिताको प्रथम प्रकाश कठायत भएका छन् । यस्तै, दीपेन्द्र बोहोरा द्वितीय र शेरबहादुर अधिकारी तृतीय भएका छन् । यस्तै, ४० वर्ष मुनिका महिलातर्फ कल्पना बुढा प्रथम बनेकी छन् भने राज्यलक्ष्मी रावल द्वितीय र इशारा बुढा तृतीय भएकी छिन् । उक्त प्रतियोगितामा ४० वर्षमाथिका पुरुषतर्फ भेषबहादुर बस्नेत प्रथम भएका छन् ।

सेनानी नारायण लामिछाने द्वितीय र हर्क रावल तृतीय भएका छन् । दौड प्रतियोगितामा प्रथम, द्वितीय र तृतीय हुनेलाई कदरपत्र र नगद पुरस्कार दिएको छ । प्रथमलाई पाँच हजार, द्वितीयलाई तीन हजार र तृतीयलाई दुई हजार नगदबाट सम्मान दिएको गणपति रवीन थापाले बताए ।

प्रमुख जिल्ला अधिकारी विजयाकुमारी प्रसाईंले जुम्लामा नेपाली सेनाले नागरिकका हितमा गरेको कामको प्रशंसा गरिन् । उनले सेनाको शान्ति, सुरक्षासँगै सामाजिक हितका काम प्रेरणादायी रहेको बताइन् ।

यो पनि
डाक्टर्स एघारले जित्यो मैत्रीपूर्ण टी–२०