पलविरुद्ध पीडित युवतीका बाबुले गैंडाकोटमा दिए अर्को जाहेरी
पीडित युवतीका बाबुले अभिनेता पल शाहविरुद्ध इलाका प्रहरी कार्यालय, गैंडाकोट नवलपरासीमा अर्को जाहेरी दिएका छन् । आज (आइतबार) छोरीमाथि पलले नवलपरासीमा पनि जवर्जस्ती करणी गरेको भन्दै जाहेरी दिएका हुन् ।
२०७७ चैत्र ७ गते गैंडाकोट रिसोर्टमा पनि शाहले छोरीमाथि करणी गरेको भन्दै जाहेरी दिएको प्रहरी कार्यालयकी प्रहरी निरीक्षक लक्ष्मी खनालले मेरो लाइफस्टाइललाई जानकारी दिइन् । ‘हामीले जाहेरी दर्ता गरेका छौं,’ उनले भनिन्, ‘अब सरकारी वकिलहरुसँग परामर्श गरेर प्रकृया अघि बढाउँछौं ।’
पीडितका बुबाले गत बुधबार जिल्ला प्रहरी कार्यालय तनहुँमा शाहविरुद्ध जाहेरी दिएका थिए । अभिनेता शाहले आइतबार बिहान प्रहरीसामु आत्मसमर्पण गरेसँगै उनलाई नियन्त्रणमा लिइएको छ ।
यो पनि…
पल-समिक्षा : तनहुँको एउटा कोठादेखि प्रहरी अड्डासम्म
प्रहरी कार्यालयमा आफैं उपस्थित हुने पलको घोषणा
