स्वामी विवेकानन्दसँग सम्बन्धित एउटा किस्सा

स्वामी विवेकानन्दसँग सम्बन्धित एउटा किस्सा छ । विवेकानन्द हिमालयमा यात्रा गर्दै थिए । एकान्तमा तपस्या गर्न चाहन्थे । त्यतिबेला उनले भारतको कोलकातामा ‘प्लेग’ फैलिएको र यो रोग अनियन्त्रित भएको जानकारी पाए । मानिसहरूले ज्यान गुमाइरहेका थिए ।

यो जानकारी पाएपछि विवेकानन्दले कोलकाता पुग्नुपर्छ भन्ने सोचे । यति सोचेर उनी तुरुन्तै हिमालयबाट कोलकाता पुगे ।
विवेकानन्दले कोलकातामा एउटा ठूलो मैदान भाडामा लिए र त्यहाँ बिरामीहरूको उपचारको लागि ठूलो शिविर स्थापना गरे । तर उनका सेवकहरूले उनलाई यस कामको लागि पर्याप्त पैसा नभएको जानकारी दिए ।

विवेकानन्दले सेवकहरूलाई भने, ‘केही दिनअघि हामीले हाम्रो मठको लागि जग्गा किनेका थियौं । अहिले त्यो जग्गा महंगो भएको छ । त्यो जग्गामा निर्माण गर्न हामीलाई पैसा चाहियो । त्यो पैसा उठाउन सकेनौं भने जमिन त्यसै रहनेछ । अहिले यो रोग आयो । यो जग्गा बेचिदिनुहुन सबैलाई अनुरोध गर्दछु ।’

विवेकानन्दको कुरा सुनेपछि मानिसहरूले भने, ‘हामीले यो जग्गा धेरै मुस्किलले किनेका हौँ । अहिले बेच्ने कुरा गर्दै हुनुहुन्छ ?’ विवेकानन्दले भने, ‘यो जग्गा बेचेर आउने पैसा मानवताको सेवामा उपयोगी हुनेछ । हामी ऋषि, सन्यासी हौं । अहिले मानवताको सेवामा कुनै समस्या नआओस् ।’त्यसपछि स्वामीले जग्गा बेचेर मानवताको सेवा गरे ।

सन्देश
हामीसँग पैसा छ भने कुन काममा खर्च गर्ने, त्यसलाई प्राथमिकता दिनुपर्छ । पहिलो प्राथमिकता मानव सेवा हुनुपर्छ । जब महामारी नियन्त्रण बाहिर जान्छ धेरै मानिसहरू यसलाई सामना गर्न असमर्थ छन् । यस्तो अवस्थामा सक्षम व्यक्तिले आफ्नो पैसा मानवताको सेवामा खर्च गर्नुपर्छ ।

यो पनि
गान्धीको सन्देश
बुद्ध ध्यानमा हुँदा बच्चाहरूले के गरे ?