सुनको मूल्य ८ सयले बढ्यो, चाँदीको कति ?

सुनचाँदी बजारमा छापावाल सुनको मूल्य प्रतितोला ९७ हजार रुपियाँ तोकिएको छ । अघिल्लो दिन प्रतितोला ९६ हजार २०० रुपियाँमा कारोबार भएको पहेँलो धातुको मूल्य आज ८ सय रुपियाँले बढेको हो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला ९६ हजार ५ सय रुपियाँ तोकिएको छ । यसको मूल्य सोमबार प्रतितोला ९१ हजार ७ सय रुपियाँ थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १५ रुपियाँले बढेर एक हजार ३ सय १५ रुपियाँ पुगेको महासङ्घले जनाएको छ । महासङ्घले अन्तर्राष्ट्रिय बजारमा सुन तथा चाँदीका मूल्यमा हुने परिवर्तनका आधारमा यहाँ दैनिक कारोबार मूल्य तोक्दै आएको छ ।अन्तर्राष्ट्रिय बजारमा आज सुन प्रतिऔँस एक हजार ९ सय ८ डलर आसपास कारोबार भइरहेको छ ।
यो पनि…
यस्तो छ आजको विनिमय दर
फलफूल तथा तरकारीको मूल्य घटबढ [हेर्नुहोस् सूची]