जावलाखेल र हिमालयन तथा मनाङ र एनआरटीबीच आज भिडन्त
सहिद स्मारक ‘ए’ डिभिजन लिग फुटबलमा आज (आइतबार) दुई खेलहरू हुँदैछ । दुवै खेल त्रिपुरेश्वरस्थित दशरथ रंगशालामा हुनेछ । दिउँसो एक बजे हुने पहिलो खेलमा जावलाखेल युथ क्लब र हिमालयन शेर्पा क्लबबीच प्रतिस्पर्धा हुनेछ । दुवै टोलीको लक्ष्य शीर्ष छ मा टुंगाउने हुनेछ र दुवैको योजना जित रहेको छ ।
जावलाखेल ११ खेलमा ११ अंक जोडेर दशौँ स्थानमा छ । हिमालयन ११ खेलमा १३ अंक जोडेर नवौं स्थानमा छ । साँझ पौने ५ बजे शुरु हुने दोस्रो खेलमा दोस्रो स्थानको मनाङ मर्स्याङ्दी क्लब र न्युरोड टिम एनआरटी आमुने-सामुने हुनेछन् ।
लिग मच्छिन्द्र फुटबल क्लबले जितिसकेको कारण मनाङको लक्ष्य शीर्ष दुईमा रहने हुनेछ । एनआरटी तालिका सुधार गर्न चाहन्छ ।
मनाङ ११ खेलमा २० अंक जोडेर दोस्रो स्थानमा छ । एनआरटी ११ खेलमा १७ अंक जोडेर पाँचौं स्थानमा छ ।
यो पनि
नेपालद्वारा फिलिपिन्स १३६ रनअन्तरले पराजित
दुई खेलअगावै मच्छिन्द्र च्याम्पियन
