ब्राजिलमा भीषण बाढी पहिरो : कम्तिमा ७१ जनाको मृत्यु
ब्राजिलमा बाढी र पहिरोमा परेर कम्तिमा ७१ जनाको मृत्यु भएको छ । ब्रजिलको पेट्रापोलिस सहरमा गएको बाढीपहिरोमा अन्य केही हराइरहेका छन् ।
रियो दि जेनेरियोको उत्तरमा पहाडमा रहेको सहर अविरल वर्षाले प्रभावित भएको छ । बाढीले पहाडी क्षेत्रका घरहरू पुरिएका छन् भने पानीले सहरका सडकहरू जलमग्न बनेका छन्
सो सहरका मेयरले आपतकाल घोषणा गरेका छन् । बाढीमा फसेका मानिसहरको खोजी र उद्दार कार्य तीव्र पारिएको छ । सामाजिक सञ्जालमा अपलोड गरिएका भिडियोहरूमा बाढीले ठूलो क्षति पु–याएको र सवारी साधन सडकमा तैरिएको देख्न सकिन्छ । ‘मैले जीवितै पुरिएकी एक किशोरीलाई फेला पारे,’ एक स्थानीय वेन्डेल पिओ लउरेन्सले भने । बाढी पहिरोले प्रभावित क्षेत्र रणभूमि जस्तो बनेको उनले बताए ।
रसिया भ्रमणमा रहेका राष्ट्रपति जैर बोल्सोनारोले पीडितलाई तत्काल क्षतिपूर्ति उपलब्ध गराइने बताए । बाढीमा फसेका व्यक्तिको उद्दारका लागि सेना र विशेष समूह परिचालन गरिएको छ ।
सबैभन्दा बढी प्रभावित क्षेत्रमा ८० घरमा पानी बगेर क्षति पुगेको अनुमान गरिएको छ ।
यो पनि
युक्रेन संकटबारे बाइडेनले भने, ‘हमलाको सम्भावना अझै यथावत्’
सार्कले खायो पौडीबाजलाई
