ए डिभिजन लिगको एघारौं चरण आजबाट
सहिद स्मारक ए डिभिजन लिगको एघारौं चरण आजबाट हुँदैछ । यसअघि अखिल नेपाल फुटबल संघ (एन्फा) ले विकेन्ड लिग बताए पनि त्यसलाई पूर्ण रूप नदिँदै हप्ताभर लिगका खेल आयोजना गर्न लागेको हो ।
यसअघि लिग चरणका खेल शुक्रबार सुरु भएर सोमबार सकिने र तीन दिन विश्राम समय दिएको थियो । अब भने त्यस्तो रहेन । मंगलबार दुई खेल हुँदैछन् । दुई खेलका चार टोली नै हाल रेलिगेशन ब्याटलमा छन् ।
चारै क्लबको दाउ कम्तिमा रेलिगेशनबाट बच्नु रहनेछ । खेल दिउँसो १ बजे त्रिपुरेश्वरस्थित दशरथ रंगशाला र सातदोबाटोस्थित एन्फा कम्प्लेक्स हुनेछ । दशरथ रंगशालामा हुने खेलमा ब्रिगेड ब्वाइज र च्यासल युथ क्लबबीच प्रतिस्पर्धा हुनेछ ।
ब्रिगेड १० खेलमा ६ अंक जोडेर १३ औं स्थानमा छ । ५ अंक जोडेर च्यासल पुछारमा छ । एन्फा कम्प्लेक्समा सोही समय जावलाखेल युथ क्लब र फ्रेन्ड्स क्लबबीच भिडन्त हुनेछ । जावलाखेल ९ अंक सहित ११औं स्थान र फ्रेण्ड्स ६ अंकसहित १२ औं स्थानमा छ ।
यो पनि
कानुन व्यवसायीबाट फुटबल मालिक
