English

‘मह’ जोडीलाई ‘महामूर्ख’ उपाधि सर्वाधिक प्रिय उपहार



मिथिला नाट्य कला परिषद् (मिनाप)ले होलीको अवसरमा प्रत्येक वर्ष जनकपुरधाममा आयोजना गर्ने महामूर्ख सम्मेलनमा यस वर्ष महामूर्खको उपाधि वरिष्ठ कलाकारद्वय मदनकृष्ण श्रेष्ठ र हरिवंश आचार्य ‘मह’ जोडीलाई प्रदान गरिएको छ ।

प्रदेश २ का भौतिक पूर्वाधार विकास मन्त्री जितेन्द्र सोनल र मिनापका अध्यक्ष परमेश झाले आइतबार मह जोडीलाई उपाधि प्रदान गरेका थिए । सो अवसरमा महजोडीले उपाधि आफ्नो जीवनको सर्वाधिक प्रिय उपहार भएको धारणा राखे ।

मिनापले विभिन्न १५ विधामा उपाधि प्रदान गरेको छ । कार्यक्रमका अतिथि मन्त्री सोनलले आफै ‘मूर्ख शिरोमणि’को उपाधि पाएका छन् । सोनललाई मह जोडीले उपाधि प्रदान गरेका थिए ।

मिनापले विभिन्न १५ विधामा उपाधि प्रदान गरेको छ । कार्यक्रमका अतिथि मन्त्री सोनलले आफै ‘मूर्ख शिरोमणि’को उपाधि पाएका छन् । सोनललाई मह जोडीले उपाधि प्रदान गरेका थिए ।

यस्तै, प्रदेशसभा सदस्य परमेश्वर साहले ‘बज्रकिट’, जनकपुरधाम उपमहानगरपालिका–४ का वडाध्यक्ष सुदर्शन सिंह ‘बैशाखानन्द’, जसपाका नेता राजीव झा ‘वंश कुरहारी’, सञ्चार उद्यमी शंकर साह ‘मुसरीलाल’ र सितल साहले ‘ढोरवा’को उपाधि पाएका छन् ।

उता महिला नेतृ विन्दु ठाकुरले ‘खुब सुरती’को उपाधि पाएकी छिन् भने मिथिला चित्रकार एससी सुमनले ‘घरघुस’को उपाधि पाए । पर्यावरण अभियन्ता सुरेश शर्मा ‘हाराशेख’, सुजित झा ‘सिलौटानन्द’, सञ्चारकर्मी अशोक दत्त ‘बोतलानन्द’, मोडल क्याम्पसका सञ्चालक वीरेन्द्र साह ‘लोढाशंकर’, वीरेन्द्र कर्ण ‘बज्रकिट’ र मैथिली विकास कोषको अध्यक्ष जीवनाथ चौधरी ‘पटमूर्ख’को उपाधिले सम्मानित भए ।

महामूर्ख सम्मेलनको सुरुवात

मैथिली साहित्य परिषद वीरगञ्जले २०५० सालमा पहिलोपटक महामूर्ख सम्मेलनको आयोजना गरेको थियो । यसको परिकल्पना विश्लेषक चन्द्रकिशोरले गरेका थिए । वीरगञ्जमा करिब सात बर्ष महामूर्ख सम्मेलन गरियो । तर आयोजक संस्था मैथिली साहित्य परिषद सेलाउँदै गएपछि मिनापले २०६१ सालबाट महामूर्ख सम्मेलन जनकपुरधाममा मनाउन थाल्यो ।
तस्विरः हरिवंश आचार्यको फेसबुकबाट



Leave a Reply

Your email address will not be published. Required fields are marked *

सम्बन्धित खबरहरु

हालसालै सम्पन्न विश्व प्रसिद्द कान्स फिल्म फेस्टिभलको ७७ औँ श्रृङ्खलामा काठमाडौँ महानगरपालिकाका मेयर बालेन्द्र शाह (बालेन) ले सहभागी जनाएको कुराले

गायक सुरेश लामाको सुमधुर स्वरमा सजिएको ‘माया बस्यो’ बोलको म्युजिक भिडियो सार्वजनिक भएको छ।  युवा प्रेम र आकर्षणको भावानालाई व्यक्त

नोबेल पुरस्कार विजेता यासुनारी कावावाताले उपन्यास ‘स्नो कन्ट्री’ मा देश सुन्दर हुने तीनवटा तत्व उल्लेख गरे–प्रकृति,संस्कृति र परिवेश । लाग्छ–साहित्यकार

सलाम तिमीलाई तमाम शिशिरहरुसधैँ मुटु उनिरहने प्रिय झिरहरुयो घाउ नि सहुँला पुरानो त भर्न देउधन्यवाद जिन्दगी चियर्स मेरा पिरहरु मुक्तककार