यसरी सजाउनुहोस् घरमा पिँजडालाई
आजकल घर सजाउनको लागि मानिसको पहिलो रोजाइ पिँजडा बनेको छ । तर, यी पिँजडाहरू चरालाई बन्धक बनाउनको लागि नभई रचनात्मक रूपमा घर सजाउन प्रयोग गरिन्छ । तपाईं पनि पिँजडाले यसरी घरलाई सजाउनुहोस् ।
फूल राखेर
फूलहरूबाट सजाइएका पिँजडाहरू एकदमै धेरै आकर्षक देखिन्छन् । तपाईंले यसमा गुलाबको गुच्छाहरू राखी पिँजडाको वरिपरि अन्य फूलहरूले ढाक्न सक्नुहुनछ ।
मैनबत्ती
पिँजडालाई सजाउन मैनबत्ती राम्रो विकल्प हो । विशेषगरी, यो बगैँचामा पनि राख्न सकिन्छ । यसलाई मैनबत्ती होल्डर पनि बनाउन वा भित्तामा टाँसेर लाल्टिन जसरी सजाउन पनि सक्नुहुन्छ ।
इलेक्ट्रिक बत्ती
आजकल इलेक्ट्रिक बत्ती धेरै प्रचलित छन् । तपाईंले पिँजडालाई बत्तीहरूले पनि भर्न सक्नुहुन्छ । यस वरिपरि बत्तीको तारहरूले लपेट्न सक्नुहुन्छ ।
बिरुवा
लहरा भएका बिरुवालाई पिँजडामा राखेर सजाउन सकिन्छ । अझ यसमा मनि प्लान्टजस्ता बिरुवाहरू राख्दा राम्रो हुन्छ । ताकि पिँजरा बाहिर सुन्दररूपमा यी बिरुवाहरू झुण्डिन सकून् ।
यो पनि…
घर बनाउने सपना, ‘गुरु’ ले पार्छ साकार
इन्टेरियर डेकोरेसनले घरलाई सुन्दर बनाउनुहोस्
