किरण केसीका ४ अनौठा फ्यान

हास्यकलाकार तथा निर्माता किरण केसीलाई नचिन्ने सायद कमै होलान् । उनलाई ‘राता मकै’को नामले धेरैले चिन्छन् । उनको फ्यान फलोइङ पनि एकदमै धेरै छ । फेसबुकदेखि टिकटकमा पनि उनलाई फलो गर्नेको संख्या कम छैन । धेरै फ्यानहरूमध्ये आफ्ना केही अनौठा फ्यानलाई उनी यसरी सम्झन्छन् :

मनकामना दर्शन गर्न जाँदा करिब तीन घण्टा फोटो खिच्ने फ्यानहरू

करिब दुई–तीन वर्षअघि परिवारसँग मनकामना दर्शन गर्न गएको थिएँ । त्यहाँ झापाबाट दुईवटा ठूलो गाडीमा करिब दुई सयको हाराहारीमा विद्यार्थीहरू शैक्षिक भ्रमणको लागि आएका रहेछन् । हामी केबलकार चढेर माथि पुग्दा ती विद्यार्थीहरू पनि मन्दिर परिसरमा नै रहेछन् । मलाई देख्नेबित्तिकै एक जना विद्यार्थी दौडेर फोटो खिच्न आए । उनीसँगै अरू विद्यार्थी र शिक्षकहरू पनि उनीहरूसँग फोटो खिच्दाखिच्दै लगभग तीन घण्टा बितेछ त्यति समयमा मेरो परिवारले दर्शन गरेर पूजा सकिसकेका रहेछन् ।

हामी केबलकार चढेर माथि पुग्दा ती विद्यार्थीहरू पनि मन्दिर परिसरमा नै रहेछन् । मलाई देख्नेबित्तिकै एक जना विद्यार्थी दौडेर फोटो खिच्न आए । उनीसँगै अरू विद्यार्थी र शिक्षकहरू पनि उनीहरूसँग फोटो खिच्दाखिच्दै लगभग तीन घण्टा बितेछ

टिसर्टमा अटोग्राफ माग्ने महिला फ्यान

मेरो भतिज मोहित वंशको रेस्टुरेन्ट ब्रिक्स क्याफेमा म खाजा खान गएको थिएँ । क्याफेमा बागलुङ्गबाट एउटा ग्रुप पनि खाजा खान आएको रहेछ । मलाई देख्नेबित्तिकै ‘राता मकै दाई प्लिज एउटा फोटो खिचौँ न’ भन्दै फोटो खिच्न थाले एउटा बहिनीले चाहिँ टिर्सटमा अटोग्राफ माग्नुभयो । यस्तो राम्रो टिसर्ट किन फोहोर पार्नु बहिनी भनेँ मैले, तैपनि मानिनन् । त्यसैले, मैले उहाँको टिसर्टको अगाडि भागमा अटोग्राफ दिएँ ।

खानाको बिल तिर्ने फ्यान

मनकामना दर्शन गरेर फर्किने क्रममा खाजा खान म र मेरो परिवार नौबिसेको एउटा रेस्टुरेन्टमा बसेका थियौँ । दुईजना भाइहरू छेउमै आएर गफ गर्न थाले । हामी तपाईंको ठूलो फ्यान हौँ, तपाईंको हरेक इन्टरभ्यु, फिल्म हेर्छौं भन्दै थिए । उनीहरू पनि फोटो खिचेर खाजा खान गए । हामी खाजा खाएर बिल तिर्न गयौँ । काउन्टरमा पुगेर बिल माग्दा त तपाईंको बिल त भइसक्यो सर भन्यो । ती भाइहरूले हाम्रो खाजाको पैसा पनि तिरेर गएछन् ।

हामी तपाईंको ठूलो फ्यान हौँ, तपाईंको हरेक इन्टरभ्यु, फिल्म हेर्छौं भन्दै थिए । उनीहरू पनि फोटो खिचेर खाजा खान गए । हामी खाजा खाएर बिल तिर्न गयौँ । काउन्टरमा पुगेर बिल माग्दा त तपाईंको बिल त भइसक्यो सर भन्यो । ती भाइहरूले हाम्रो खाजाको पैसा पनि तिरेर गएछन् ।

कान समाएर तीनचोटी उठबस गरेर माफी माग्ने फ्यान

एकपटक एउटा कामका लागि बाइकमा बाहिर निस्केको थिएँ । एउटा गाडीले पछाडिबाट आएर छोयो । मैले पछाडि फर्केर ‘के हेरेर चलाको’ भनेर गाली गरेँ । उसले पनि ‘आँखा नहेरी हिँड्ने ?’ भनेर करायो । सबै जना मान्छे जम्मा भए । मैले मास्क, हेलमेट र चस्मा लगाएको थिए । एकछिन पछि मैले मास्क, हेल्मेट र चस्मा खोलेँ । त्यसपछि, त्यो गाडीको मान्छेले छक्क पर्दै भन्यो– ‘ओहो राता मकै दाइ पो हुनुहुँदोरहेछ सरी दाइ’ कान समाएर तीनपटक उठबस पनि गर्यो । उसले माफी माग्यो र मैले माफी दिँदै अँगालो मारेर उसलाई पठाएँ ।

यो पनि पढ्नुहोस् :
ज्योती भन्छिन्– ‘फ्यानले ओठमा किस गर्दा बान्ता आयो’
सोनिकाका फ्यान– सुनको सिक्री गिफ्ट दिनेदेखि झम्टेर रुनेसम्म