विवाहअघि सोध्नुहोस् यी कुरा

माघ महिना सुरु भइसकेको छ। यो बिहेको मौसम हो। उमेर पुगेका युवायुवतीले विवाह गर्छन्। तपाईं पनि विवाह गर्ने सोच बनाइरहनु भएको छ? छ भने विवाह गर्न लागेको पार्टनरसँग खुलेर कुरा गर्नुहोस्। आफ्ना कुरा राख्ने र उनका कुरा सुन्ने गर्नुहोस्। बुझ्नुहोस्।

खुलस्त भएर विवाह गर्दा आगामी दिनमा तपाईंको वैवाहिक अवस्था सुखद् बन्न जान्छ। सबै आफ्नो विवाहलाई यादगार बनाउन खानादेखि विवाहको स्थानसम्मको पूरा योजना बनाउँछन्। यीबाहेक आर्थिक अवस्था, फ्यामिलि प्लानिङ र बानिव्यहोराबारे जान्नु आवश्यक छ।

आर्थिक अवस्था

विवाहभन्दा पहिला कयौं पार्टनरसँग यो सवाल सोध्न चाहन्छन् तर चाहेरपनि यो सोध्न सक्दैनन्। किनकी धेरैलाई पैसा सम्बन्धी धेरै कुरा सोध्न र बुझ्न डर लाग्छ। तर,विवाहभन्दा पहिला आफ्नो पार्टनरको आर्थिक अवस्थाबारे जानकारी लिन आवश्यक छ।

फ्यामिलि प्लानिङ

विवाहभन्दा पहिला पार्टनरसँग फ्यामिलि प्लानिङका बारेमा जरुर कुरा गर्नुहोस्। जब दुई मध्ये एक व्यक्तिलाई बच्चा चाँढो चाहिएको छ भने भने यस विषयमा विवाहभन्दा पहिला कुरा गर्नु आवश्यक हुन्छ। तपाईंलाई कहिले बच्चाको बारेमा सोच्न जरुरी हुन्छ भन्ने विषयमा प्रस्ट हुनु जरुरी हुन्छ।

बानिव्यहोरा

विवाहभन्दा पहिला आफ्नो पार्टनरको बानिव्यहोराबारे जानकारी लिन जरुरी हुन्छ। प्रेम सम्बन्ध भएकाहरूले बानीव्यहोराबारे जानकार भएको भएपनि मागी विवाह गर्नेले आफ्नो पार्टरको बानीव्यहोरा थाहा नपाएको हुनसक्छ। त्यसलैले उसलाई के मन पर्छ के मन पर्दैन भन्ने कुरा थाहा पाएको खण्डमा सहज हुन जान्छ।