नङ बढाउने यस्ता छन् सरल उपाय
प्रायः मानिसहरूले आफ्नो हातहरू कतिको राम्रो छ भनेर बेलाबेलामा हेर्छौं । तर, अब आफ्नो साथमा भएको ह्यान्ड क्रिमले पनि नङको हेरचाह गर्न सकिन्छ । हुन त अहिलेसम्म नङका लागि यस्तो कुनै क्रिम वा सिरम बनेको छैन, तर, हामी घरमै बसेर पनि लामो, सुन्दर र सही आकार दिई आफ्नो नङको हेरचाह गर्न सकिन्छ ।
यस्ता विधिबाट तपाईंले आफ्नो नङहरूलाई लामो र स्वस्थ बनाउन सक्नुहुन्छ ।
सिरमका लागि आवश्यक सामग्री :
– एक चम्चा ताजा सुन्तलाको रस
– एक चम्चा सुकेको सुन्तला बोक्राको पेस्ट
– एक चम्चा बदामको तेल
– एक चम्चा नरिवल तेल
सुन्तलालाई नङको स्वास्थका लागि चमत्कारी मानिन्छ । यसमा प्रशस्त मात्रामा भिटामिन ‘सी’ हुन्छ, जुन तपाईंको नङलाई बलियो र स्वास्थ बनाउनका लागि आवश्यक हुन्छ । यस्तै, सुन्तलाको रसमा पाइने फोलिक एसिडले नङको वृद्धि गराउँछ ।
तपाईंको नङको स्वास्थका लागि अर्काे ठूलो कुरा बदामको तेल हो । यसमा आवश्यक एन्टिअक्सिडेन्ट अति आवश्यक ओमेगा–६ र ओमेगा–९ फ्याटी एसिड र भिटामीन ‘ई’ समेत पाइन्छ । जसको प्रयोगले नङलाई क्षति, सुख्खापन र फुट्नबाट जोगाउँछ ।
सिरम बनाउने विधि :
– सुन्तलाको रससँग सुन्तलाको पेस्ट मिलाउनुहोस् ।
– यसमा केही थोपा बदामको तेल हाल्नुहोस् र मिलाउनुहोस् ।
– नरिवलको तेलको थोपा तताउनुहोस् ।
– तयार मिश्रणलाई तातो तेलमा हाल्नुहोस र राम्ररी मिलाउनुहोस् ।
– अब तपाईंको नङ ग्रोथ सरम तयार छ ।
यसरी तयार गर्नुहोस् :
सिरम तयार भएपछि आफ्नो हातलाई सफा गर्नुहोस् र आफ्नो हातलाई सीरममा डुबाउनुहोस् । आँैलाहरूलाई पाँच मिनेटसम्म डुबाएपछि मनतातो पानीले धुनुहोस् । यो प्रक्रिया एक हप्तासम्म दैनिक दोहोर्याउनुहोस् । तपाईंहरूले आफ्नो नङहरूमा भिन्न देख्नुहुनेछ र तपाईले चाहेका नङहरू पाउनुहुनेछ ।
यो पनि…
मुहार चम्किलो र सुन्दर बनाउन लगाउनुस् यस्ता फेस प्याक
शरीरको तौल घटाउन सेवन गर्नुहोस् यी ८ स्वस्थ खानेकुरा
