‘बाँसको कप्टेरो’ टिकटक च्यालेञ्जका विजेता बने जुम्ल्याहा अमर र अमृत



काठमाडौं– गायिका सुनिता दुलाल र गायक प्रताप दासको स्वर रहेको बाँसको कप्टेरो गीतको टिकटक च्यालेञ्जमा जुम्ल्याहा अमर, अमृत दाहाल प्रथम भएका छन् । एक महिना अघि सार्वजनिक भएको च्यालेञ्जमा जुम्ल्याहा दाजुभाई विजेता बनेका हुन् ।

विजेताले पुरस्कार स्वरुप २५ हजार रुपैयाँ र बाँसको कप्टेरो–२ को म्युजिक भिडियोमा अभिनय गर्ने अवसर प्राप्त गरेका छन् । टिकटकबाटै सेलिब्रेटी छवि बनाएका जुम्ल्याहा दाजुभाई टिकटकमा हुने यस्ता प्रतियोगितामा विजेता बन्दा उत्साहित भएको बताउँछन् ।

यस्तै, प्रतियोगितामा ९ वर्षिय बालक उप्रेश ढकाल दोस्राे भए । उनले पुरस्कारस्वरुप १५ हजार रुपैयाँ प्राप्त गरे । भविष्यमा अभिनेता बन्ने लक्ष्य राखेका ढकाल प्रतियोगितामा दोस्रो हुँदा प्रफुल्लित छन् । ‘दोस्रो भएकोमा निकै खुशी छु,’ उनी भन्छन्, ‘यस्ता प्रतियोगिता भैरहने हो भने पक्कै पनि मेरो हिरो बन्ने सपना पुरा गर्न सहयोग पुग्छ ।’

यसैगरी टिकटकर रिना तामाङ प्रतियोगितामा तेस्रो भइन। उनले १० हजार रुपैयाँ नगद पुरस्कार प्राप्त गरिन् । प्रतियोगिताको सान्त्वना पुरस्कार पुरु सिग्देल र अविनाश हमालले प्राप्त गरेका छन् । उनीहरूलाई ५/५ हजार रुपैयाँ पुरस्कार प्रदान गरिएको गायिका दुलालले बताइन् ।

नयाँ अनुहारलाई प्राथमिकता दिने उद्धेश्यले गरिएको उक्त प्रतियोगितामा शारीरिक हाउभाउ, पोशाक र अभिनयलाई हेरेर प्रथम, द्वितिय, तृतिय र सान्त्वना छुट्याइएको नृत्य निर्देशक गम्भीर विष्ट बताउँछन् । बाँसको कप्टेरो गीतको भिडियोले युट्युबमा १६ लाखभन्दा बढी भ्यूज पाएको छ । यस्तै टिकटकमा पनि हजारौं भिडियो बनेका छन् ।

उपविजेता उप्रेश ढकाल
उपविजेता उप्रेश ढकाल
सान्त्वना पुरस्कार विजेता अविनाश हमाल



प्रतिक्रिया दिनुहोस !
सम्बन्धित खबरहरु

नेपाली सिने क्षेत्रको होस् या सांगीतिक क्षेत्रका कलाकारबीचको द्धन्द्धका खबर बेला–बेला आउँछन् । तर, देशलाई दुखेको बेला सहयोग गर्नेमा यिनै

राष्ट्रिय सभा सदस्य तथा गायिका कोमल वलीको शब्द रहेको दंगाली भाषाको ‘ऐच्यै चत्तेरी’ बोलको गीत सार्वजनिक भएको छ । शुक्रवार

कोरोना भाइरसका कारण गत वर्ष नौ महिनासम्म लकडाउन भयो । सो समयमा शिक्षा, यातायात, व्यापार व्यवसाय, चलचित्र लगायत मानिसको दैनिकीलाई

आज जुन ५ अर्थात् विश्व वातावरण दिवस । नेपालमा पनि विभिन्न स्थानमा वृक्षारोपण र सरसफाई अभियान सञ्चालन गरेर मनाइएको छ