अभिनेत्री रेखा थापाको १० दिनका ८ मन छुने स्टाटस



अभिनेत्री रेखा थापा बेलाबेला चर्चामा आइरहन्छिन् ।

पहिला पहिला उनलाई फिल्मी समाचारले चर्चामा ल्याउँथे । त्यसैको बीच–बीचमा उनको चर्चा ग्ल्यामरस विषयमा जोडिएर हुन्थ्यो । हाँस्य–ब्यङ्यकारहरू उनलाई रेखा थापाको सट्टा ‘देखा थापा’ भनेर उडाउँथे पनि ।

पछिल्लो समय रेखाको परिचय फिल्मी समाचारको रूपमा हुने गर्दैन । ग्ल्यामरको कुरा पनि ओझेल पर्दै गएका छन् । र, उनलाई कसैले ‘देखा थापा’ भनेर उडाउँदैन पनि । तर पनि उनको चर्चा बेला–बेलामा हुने गर्छ, राम्रैसँग ।

केही बर्ष यता रेखा थापाको नाम राजनीतिमा पनि जोडिएर आउँछ । एकताका माओवादी कमाण्डर प्रचण्डसँग कम्मर मर्काएर नाचेपछि उनको राजनीतिसँग जोडिएर चर्चा सुरु भयो । त्यसपछि राप्रपा प्रवेश, त्यसै खेमाको सहमहामन्त्री र पछिल्लो पटक भूमिगत जीवन छोडेका बिप्लवसँगको भेटसम्म आइपुग्दा धेरै समाचार बने उनको सक्रियताको ।

आगामी दिनको राजनीतिमा रेखाले कस्तो कदम चाल्नेछिन् ? त्यो आउँदा दिनले बताउँदै जाला । अहिलेको चर्चा भने उनले सामाजिक सञ्जालमा ब्यक्त गरिएका भावना र विचारहरूको हो । उनको जस्तो स्टाटस समकालीन नायिकाहरूले पोष्ट गर्दैनन् । सायद यही कारण पनि उनका स्टाटसहरूले समाजमा महत्व राख्न थालेका छन् । पछिल्लो १० दिनमा उनले लेखेका ८ स्टाटस यस्ता छन् –
(जस्ताको त्यस्तै)

१. कसले भन्छ कि तस्बिर र तक्दिर जोडिएका हुँदैनन ? तस्बिरमा उमङ्ग भए तक्दिरमा आफै उमङ्ग छाउँदछ । (२०७७ चैत ११)

२. जिन्दगीमा कतिबेला औषधी बिष बन्छ र कतिबेला बिष औषधी बन्छ, ठेगाना हुन्न । नाम र पहिचानको नशा सधैंको लागि नबोक्नु राम्रो ।

३. चेहरा भावहरूको मसीले लेखिएको पुस्तक हो जस्तो लाग्छ ।

४. लेख्ने आफू र पढने संसार हुन्छ । शुभ–शब्द र शुभ–चित्त रहोस् ।

५. हामी मानवले पाएको अमूल्य विवेकको काम निर्माण गर्ने हो । बिग्रेकोलाई फेर्ने र नभएको चिज रचना गर्ने हो ।

६. जीवन त्यतिबेला सबैभन्दा राम्रो लाग्छ, जब यो पूर्वानुमान गर्न नसकिने हुन्छ ।

७. खुशी र दुःखमा आत्मनिर्भर बन्न सिक, किनकी एकदिन यो वास्तविकता तिमीले देखेरै जानु छ ।

८. धर्तीमा विभेद, असमानता र प्रतिकुलता विरुद्द बुलन्द आवाज उठाएका विश्वका बहादुर महिला अगुवालाई नमन । न्यायको निम्ति संघर्षरत सम्पूर्ण नारीलाई शसक्त शुभकामना ।

वास्तवमा नै मन छुने स्टाटस छन् अभिनेत्री रेखा थापाका । केही बर्षदेखि उनी आफ्ना भावना यसैगरी ब्यक्त गर्दै आएकी छन् ।

र, रेखाले सामाजिक सञ्जालमा पोष्ट गरेका विचार उत्तिकै अर्थपूर्ण र गहिरा पनि हुने गर्छन् । आउँदा दिनमा यस्ता स्टाटसले निरन्तरता पाउँदै जाऊन्, शुभकामना अभिनेत्री थापालाई ।

तस्विरः रेखा थापाको फेसबुकबाट ।



Leave a Reply

Your email address will not be published. Required fields are marked *

सम्बन्धित खबरहरु

नायक पल शाह र गायिका समीक्षा अधिकारी केही समययता चर्चामा छन् । उनीहरूबीचको अन्तरंग सम्बन्धबारे फिल्मनगरीमा चर्चा चल्न थालेपछि यी दुई केही

हास्यकलाकार हरिश निरौलालाई धेरैले ‘कक्रोज’ उपनामले चिन्छन् । हास्य टेलिशृंखला भद्रगोलबाट छुट्टै पहिचान बनाएका निरौलालाई पछिल्लो समय ‘सक्किगोनी’मा देख्न सकिन्छ

कर्मा शाक्य राम्रो अभिनेतामा पर्छन् । हेर्दा चकलेटी देखिने उनमा अभिनय क्षमता पनि उत्तिकै छ । उनी थियटर हुँदै फिल्ममा आएका हुन् । फिल्म

मह जोडी भन्ने बित्तिकै मदनकृष्ण श्रेष्ठ र हरिवंश आचार्यको नाम अगाडि आउँछ । मह सञ्चारबाट धेरै नै सिरियल बनेका छन्