एकै दिन थपिए ४,६३६ जना संक्रमित
आज देशभर थप ४ हजार ६३६ जनामा कोरोना भाइरसको सङ्क्रमण पुष्टि भएको छ ।
१४ हजार ५ सय ५६ जनाको कोरोना परीक्षण गर्दा पीसीआर विधिबाट ३ हजार ७ सय ३ र एन्टिजेन विधिबाट ९ सय ३३ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । शुक्रबार ५ हजार ८७ जनामा संक्रमण पुष्टि भएको थियो ।
यही अवधिमा थप ३५० जना सङ्क्रमणमुक्त पनि भएका छन् । नेपालमा कूल सङ्क्रमितमध्ये ८ लाख १६ हजार ३ जना सङ्क्रमणमुक्त भइसकेका छन् । सङ्क्रमित थपिएसँगै नेपालमा निको हुने दर ९६.१ प्रतिशतमा पुगेको छ । नेपालमा हाल सक्रिय सङ्क्रमितको सङ्ख्या २१ हजार ५ सय ८४ रहेको छ ।
पछिल्लो २४ घण्टामा थप ४ जना कोरोना सङ्क्रमितको मृत्यु भएको छ । कोभिड–१९ को मृत्युदर १.४ प्रतिशत रहेको नेपालमा हालसम्म ११ हजार ६१७ जनाको मृत्यु भइसकेको छ ।
यो पनि
नेपालमा थप ५,०८७ जनामा कोरोना पुष्टि, संक्रिय संक्रमित १८ हजार नाघे
कोरोनाका कारण रोकिए मेला–महोत्सव
