कोरोनाका कारण रोकिए मेला–महोत्सव



लमजुङमा माघमा हुने भनिएको मेला महोत्सव कोरोना संक्रमणका कारण प्रभावित भएका छन् । माघको पहिलो हप्ता सोनाम ल्होछारमा हुने उत्सव र माघ अन्तिम साता हुने सातौँ लमजुङ महोत्सव प्रभावित भएको हो ।

कोरोना संक्रमितको संख्या बढ्दै गएपछि संघ सरकारसँगै गण्डकी प्रदेश सरकारले पनि मेला महोत्सव, भेला र भिडभाड बढी हुने कार्यक्रम नगर्न आग्रह गरेपछि लमजुङमा माघको पहिलो साता र अन्तिम साता हुने भनिएका दुईवटा मेलामहोत्सव प्रभावित हुने भएका हुन् ।

अघिल्लो हप्ता मात्रै लमजुङ उद्योग वाणिज्य संघले लमजुङको बेँसीसहरमा २१ माघदेखि १ फागुनसम्म सातौँ लमजुङ महोत्सव गर्ने निर्णय गरेको थियो । लमजुङ उद्योग वाणिज्य संघका अध्यक्ष गुणराज सिलवालका अनुसार छोटो समयमा महोत्सव गर्ने निर्णय गरी तयारी शुरु गरे पनि कोरोना संक्रमण तेस्रो लहरको जोखिम बढेपछि महोत्सव स्थगित गर्नुपरेको बताए ।

सरकारले नै मेला महोत्सव नगर्न निर्देशन दिएपछि महोत्सवको गर्नुको औचित्य नहुने भन्दै यसबारेमा औपचारिक निर्णय गर्न बाँकी रहेको अध्यक्ष सिलवालले बताए । संघका पदाधिकारीसहित अन्य सरोकारवालासँग छलफल गरी महोत्सव कहिले गर्ने भन्ने विषयमा निर्णय गरिने अध्यक्ष सिलवालको भनाइ छ ।

नेपाल तामाङ सांस्कृतिक घेदुङ जिल्ला समन्वय समिति लमजुङले पनि तामाङ समुदायको नयाँ वर्ष २८५८औँ सोनाम ल्होछारको अवसरमा लमजुङमा गर्न लागिएको साँस्कृतिक उत्सव आयोजक समितिले अघिल्लो साता मात्रै सदरमुकाम बेसीशहरमा पत्रकार सम्मेलन गरी ८ माघमा साँस्कृतिक उत्सवको बारेमा जानकारी गराएको थियो ।

तर, पछिल्लो समय मुलुकको परिस्थिति परिवर्तन भएसँगै बृहत साँस्कृतिक कार्यक्रम प्रभावित हुने भएको हो । केही वर्षबाट तामाङ समुदायले साँस्कृतिक पर्व ल्होसारको अवसरमा मेला महोत्सव गर्न थाले पनि गत वर्ष पनि कोरोनाकै कारण कुनै औपचारिक कार्यक्रम हुन सकेको थिएन ।
यसवर्ष पनि मेला महोत्सव नहुने भएपछि तामाङ समुदायले परम्परागत रूपमा पारिवारभित्रै ल्होसार मनाउने नेपाल तामाङ साँस्कृतिक घेदुङ जिल्ला समन्वय समिति लमजुङका अध्यक्ष विकास तामाङले बताए ।

डीसीसीएमसी संयोजक एवं लमजुङका प्रमुख जिल्ला अधिकारी शुसील वैद्यले संघीय सरकार र प्रदेश सरकारले संक्रमणकालीन अवस्थामा मेला महोत्सव नगर्न भनिएको बताए ।

यो पनि
नेपालमा थप ५,०८७ जनामा कोरोना पुष्टि, संक्रिय संक्रमित १८ हजार नाघे
यसपालि नहुने भो तारूकामा गोरु जुधाइ मेला



...
बुस्टर डोजबारे भ्रम र यथार्थ ! - Mero LifeStyle Mero LifeStyle

[…] कोरोना तेस्रो लहर शुरु भएसँगै विश्वमा दैनिक संक्रमितको संख्या ३० लाखको हाराहारीमा छ । कोरोनाको नयाँ भेरियन्ट ओमिक्रोन अन्य भेरियन्टको तुलनामा बढी संक्रमक भएको कारण एकदमै न्यून संख्यामा पुगेको संक्रमितको संख्या फेरि उकालो लागेको छ । कोरोना खोप लगाएका व्यक्तिहरू पनि संक्रमित हुन थालेपछि विभिन्न देशमा कोरोनाविरुद्धको बुस्टर डोज लगाउन शुरु गरिएको छ । […]

...
२४ घण्टामा थपिए ४,९६१ कोरोना संक्रमित - Mero LifeStyle Mero LifeStyle

[…] भएको छ। यससँगै नेपालमा हालसम्म कोरोनाबाट ज्यान गुमाउनेको संख्या ११ हजार […]

...
निषेधाज्ञाका बीच देवघाटमा मकर स्नान गर्नेको घुइँचो - Mero LifeStyle Mero LifeStyle

[…] […]

Leave a Reply

Your email address will not be published. Required fields are marked *

सम्बन्धित खबरहरु

गृहमन्त्रालयले सम्बन्धित व्यक्तिको सहमतिबिना कुनै प्रकारको तस्बिर र भिडियो खिच्न तथा तिनलाई सामाजिक सञ्जालमा प्रकाशन गरेमा कारबाही हुने चेतावनी दिएको

रुपन्देहीको भैरहवामा निर्माण सम्पन्न भएको गौतम बुद्ध अन्तर्राष्ट्रिय विमानस्थल सञ्चालनको लागि तयारी अवस्थामा छ । भौतिक निर्माणको काम सम्पन्न भई क्यालिब्रेसनका

राष्ट्रिय जनगणना २०७८ अनुसार झापाको १५ पालिकामध्ये जिल्लाको सबैभन्दा बढी जनसङ्ख्या रहेको नगरपालिकामा मेचीनगर अग्रस्थानमा छ । मेचीनगरको जनसङ्ख्या एक

सरकारले प्राथमिकताका साथ कोभिडविरुद्धको खोप निःशुल्क लगाएपछि दक्षिण एसियामै धेरै प्रतिशत जनसङ्ख्याले खोप लगाउने मुलुकमा नेपाल पनि परेको छ ।

Suggested