नेपालमा थप ५,०८७ जनामा कोरोना पुष्टि, संक्रिय संक्रमित १८ हजार नाघे
नेपालमा थप ५ हजार ८७ जनामा कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा २० हजार ५ सय ६० नमुना परीक्षण गर्दा सो संख्यामा संक्रमण पुष्टि भएको हो । यो सँगै नेपालमा संक्रिय संक्रमितको संख्या १८ हजार २ सय ३५ पुगेको छ ।
थपिएका संक्रमित मध्ये सबैभन्दा बढी काठमाडौं उपत्यकामा रहेका छन् । मन्त्रालयका अनुसार काठमाडौंमा १ हजार ९ सय १३, भक्तपुरमा ३ सय १७ र ललितपुरमा ३ सय ७७ संक्रमित थपिएका हुन् ।
सक्रिय सक्रमितमध्ये १७ हजार २ सय ९१ जना होम आइसोलेसन र ९ सय ४४ जना संस्थागत आइसोलेसनमा छन् । साथै, १ सय ११ जनाको आइसीयु र २५ जनाको भेन्टिलेटरमा उपचार भइरहेको मन्त्रालयले जनाएको छ ।
पछिल्लो २४ घन्टामा थप ३ सय ६ जना कोरोना संक्रमणमुक्त भई डिस्चार्ज भएका छन् । यो सँगै नेपालमा कोरोना जित्नेको संख्या ८ लाख १५ हजार ६ सय ५३ पुगेको छ ।
