सात मिनेटमा तीन गाेल !
सात मिनेटमा तीन गोल गर्दै इटालियन सिरी ‘ए’ मा युभेन्ट्सले रोमाविरुद्ध रोमाञ्चक जित निकालेको छ ।
आइतबार राति भएको खेलमा भ्रमणकारी टोली युभेन्ट्सले दोस्रो हाफमा ७ मिनेटमा ३ गोल गरेपछि तीन अंकसहित ११औँ जित निकालेको हो ।
१० खेलाडीमा सीमित युभेन्ट्सको जितमा कप्तान पाउलो डिबाला, मानुयल लाकाटेली, डेजान कुलुसेभ्स्की, माटिया डीले १-१ गोल गरे । रोमाका लागि टमी इब्राहम, हेन्रिख एमखितार्यान र लोरेन्जो पेलेग्रीनीले १-१ गोल गरे ।
खेलको ८३औँ मिनेटमा लोरेन्जोले पाएको पेनाल्टी सदुपयोग गर्न नसक्दा जोसे माउरिन्होको रोमा हार ब्यहोर्न बाध्य भयो । खेलको ८१औँ मिनेटमा माथिस डि लाईटले रातो कार्ड पाएपछि युभेन्ट्स १० खेलाडीमा सीमित भयो ।
जितपछि युभेन्ट्सले २१ खेलबाट ३८ अंकसहित पाँचौं स्थानमा छ । समान खेलबाट ३२ अंक बनाएको रोमा सातौँ स्थानमा छ ।
यो पनि
