जेलमा रहँदा यस्तो गर्थे सञ्जय दत्त
बलिउड अभिनेता सञ्जय दत्तको जीवन उथलपुथलले भरिपूर्ण छ । सन् १९८० को दशकमा मदिराको लतका कारण उनी निकै चर्चामा रहे । सन् १९९३ को मुम्बई बम हमलाको मामलाले उनलाई जेलको हावा नै खान बाध्य बनायो । यसको सुनुवाइ सन् १९९५ जुन ३० बाट शुरू भएको थियो । झण्डै १२ वर्षपछि सन् २००७ मे १८ मा सुनुवाइ पूरा भएकोमा उनी ६ वर्षको जेल सजायको भागिदार बने ।
सञ्जयका लागि जेल बसाइ विशेष रह्यो । उनी पाँच वर्ष जेल बसे र राम्रो काम गरेका कारण उनी आठ महिनाअघि नै रिहा भए । जेलमा उनले काम कैदीसरह समय बिताए । उनले जेलमा धेरै थैली बनाएका थिए ।
सञ्जयका अनुसार उनले पुराना पत्रिकाबाट पेपर ब्याग बनाएर जेलमा पैसा कमाउँथे । उनले यसवापत प्रति बोरी २० पैसा पाउँथे । ‘म जेलमा दैनिक ५० देखि सय ब्याग बनाउँथेँ । मैले जेलमा बस्दा दैनिक झण्डै पाँच सयदेखि हजार रुपैयाँ कमाएको थिएँ । मैले त्यो सबै पैसा पत्नी मान्यतालाई दिएँ’, सञ्जयले भनेका छन् ।
सञ्जय आफ्ना लागि जेलमा कमाएको पाँच सय रुपैंयाँको मूल्य ५ हजार करोड रुपैंयाँ बराबर रहेको बताउँछन् । उनले सन् २०१३ देखि सन् २०१६ सम्म पुणेको यरवदा सेन्ट्रल जेलमा सजाय कटाएका थिए ।
यो पनि…
‘कठपुतली’ हेर्नेलाई आइफोन–१२ उपहार, यस्तो छ नियम
आयुषले छाडे सलमानको फिल्म
