प्रचण्ड किन सम्राट अशोकसँग आफ्नो तुलना गर्छन् ? (भिडियो पनि)



प्राचिन भारतको मौर्य राजवंशका चक्रवर्ती राजा अशोक । युद्धकै बलमा अशोकले थुप्रै राज्य जिते अनि सम्राट बने । तर, कलिङ युद्धमा भएको विभत्स हत्यामा सुनिएका चित्कारले अशोकलाई युद्धबाट जितिने राष्ट्र मोह त्याग्न बाध्य पार्यो । जीवनको उत्तरार्धमा उनी गौतम बुद्धको शान्ति मार्गमा लागे । अनि शान्ती दूतका रुपमा विश्वमा कहलिए ।

मंगलबारको अपरान्ह चार बजे । खुमलटारस्थित माओवादी केन्द्रका अध्यक्ष पुष्पकमल दाहाल ‘प्रचण्ड’ निवासको बैठक हल । हलमा पूर्व राजदूतदेखि कलाकारसम्मको उपस्थिती । बुद्धको जन्मस्थल लुम्बिनीका बारे विश्वमा रहेको व्याप्त भ्रमलाई चिर्ने उद्धेश्यले सुरु भएको लुम्बिनी–कपिलवस्तुले विश्व अभियानको दूतमा सेलिब्रिटीलाई नियुक्त गर्ने र पूर्व राजदूतहरुलाई सम्मान गर्ने कार्यक्रममा प्रचण्डलाई प्रमुख अतिथि बनाइएको थियो ।

प्रमुख अतिथिको रुपमा बोल्दै प्रचण्ड सम्राट अशोकको महिमा सुनाउँदै थिए । बुद्धको मुर्तिलाई दाहिने पारेर बसेका प्रचण्डको पृष्ठभूमीमा अन्य बुद्ध प्रतिमाले आड दिइरहेको देखिन्थ्यो । अनि भन्दै थिए–‘कता, कता म पनि नेपालको राजनीतिक भुमरीमा अशोकको भूमिकामा देखिएको छु ।’

‘इतिहास र घटनाक्रमले मलाई कहिँ न कहिँ अशोकको नजिकतिर लगिरहेको थियो,’ उनी गम्भीर सुनिए, ‘एउटा ठूलो युद्धको नेतृत्वबाट शान्तीको बाटोमा आएँ, त्यसैले एउटै पात्र दुईवटा भूमिकामा जसरी अशोक देखिए म पनि त्यसैगरी देखिएँ ।’

प्रचण्डले आफूलाई अशोकसँग तुलना नै नगरे पनि आफ्नो र सम्राट अशोकको जीवनमा मेल खाएको आशय ब्यक्त गर्दै थिए । सम्राट अशोक पनि युद्धबाट शान्तीमा आएको र आफूले पनि त्यही युद्धको चित्कार सुनेर शान्तीको बाटो पछ्याएको प्रसंग निकाले ।

‘इतिहास र घटनाक्रमले मलाई कहिँ न कहिँ अशोकको नजिकतिर लगिरहेको थियो,’ उनी गम्भीर सुनिए, ‘एउटा ठूलो युद्धको नेतृत्वबाट शान्तीको बाटोमा आएँ, त्यसैले एउटै पात्र दुईवटा भूमिकामा जसरी अशोक देखिए म पनि त्यसैगरी देखिएँ ।’

कलिङ युद्घपछि पश्चाताप गर्दै सम्राट अशोकले मान,पद,प्रतिष्ठा,सम्मान र सबै किसिमका भौतिक सुख त्यागे । शान्तीको मार्गमा आएपछि सबै मोह–माया त्यागे ।

प्रचण्डले युद्घ त्यागे । शान्ति प्रक्रियामा आउन राजी पनि भए । तर पदीय आशक्ति,पारिवारिक मोह र राजनीतिक शक्तिको केन्द्रमा आफू रहिरहनुपर्ने लालसा भने प्रचण्डले कहिल्यै त्यागेनन् ।

बुद्घसँग त कहिले सम्राट अशोकसँग जोडेर प्रचण्ड आफूलाई शान्तिवादी बताउन बिर्सिदैनन् ।

खासमा प्रचण्ड के हुन ?

माओवादी,माक्र्सवादी,लेनिनवादी,स्टालिनवादी वा शान्तिवादी !

भिडियो:

यो पनि…
बुद्ध अभियानमा जोडिए सेलिब्रिटी, सम्मानित भए पूर्व राजदूतहरु (भिडियो पनि)
एमाले मेलामा खड्गप्रसादले देखाएको चटक

ओलीजस्तै प्रचण्ड



Leave a Reply

Your email address will not be published. Required fields are marked *

सम्बन्धित खबरहरु

राष्ट्रपति विद्यादेवी भण्डारी र प्रधानमन्त्री शेरबहादुर देउवाबीच भेटवार्ता भएको छ। (१३ माघ) बिहीबार दिउँसो ३ बजे शीतलनिवास पुगेर प्रधानमन्त्री देउवाले

काठमाडौंबाट निस्केर बाहिर जाने हो भने इँटा भट्टाहरू प्रशस्तै भेटिन्छन् । यिनै भट्टामा राजधानी वरपरका गाउँहरूबाट हिउँदमा काम गर्न श्रमिकहरू

रुपन्देहीको भैरहवामा निर्माण सम्पन्न भएको गौतम बुद्ध अन्तर्राष्ट्रिय विमानस्थल सञ्चालनको लागि तयारी अवस्थामा छ । भौतिक निर्माणको काम सम्पन्न भई क्यालिब्रेसनका

नेपालमा थप ८ हजार १७ जनामा कोरोना संक्रमण पुष्टि भएको छ भने ५ हजार २ सय ९२ जना संक्रमण मुक्त

Suggested