ह्वात्तै बढ्यो सुनचाँदीको मूल्य, यस्तो छ बजार भाउ

नेपाली बजारमा बुधबार सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार मंगलबार छापावाल सुन प्रतितोला ९२ हजार २०० रुपियाँ कायम भएकोमा बुधबार ६०० रुपियाँले बढेर प्रतितोला ९२ हजार ८०० रुपियाँ कायम भएको हो ।

बुधबार छापावाल सुन प्रति १० ग्राम ७९ हजार ५६० रुपियाँ कायम भएको महासंघले जनाएको छ । त्यसैगरी, तेजाबी सुन प्रतितोला ९२ हजार ३०० रुपियाँ कायम भएको छ । त्यस्तै, तेजाबी सुन प्रति १० ग्राम ७९ हजार १३० रुपियाँ कायम भएको महसंघले जनाएको छ ।

चाँदीको मूल्य पनि बुधबार तोलामा १० रुपियाँले बढेको छ । बुधबार चाँदीको मूल्य प्रतितोला एक हजार २६० रुपियाँ कायम भएको छ । मंगलबार चाँदी प्रतितोला एक हजार २५० रुपियाँ कायम भएको थियो । त्यस्तै, चाँदीको मूल्य प्रति १० ग्राम एक हजार ८० रुपियाँ कायम भएको महसंघले जनाएको छ ।

यो पनि…
घट्यो सुनको मूल्य
आकासिदै सुनको भाउ