ह्वात्तै घट्यो सुनको मुल्य
सुनचाँदी बजारमा आज छापावाल सुनको मूल्य प्रतितोला ९ सय रुपियाँले घटेर ९२ हजार २ सय रुपियाँ तोकिएको छ । पहेँलो धातु अधिल्लो दिन प्रतितोला ९३ हजार १ सय रुपियाँमा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९१ हजार ७ सय कायम भएको छ, जसको मूल्य सोमबार प्रतितोला ९२ हजार ६ सय तोकिएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १५ रुपियाँले घटेर १ हजार २ सय ५० रुपियाँ तोकिएको महासङ्घले जनाएको छ ।
महासङ्घले अन्तरराष्ट्रिय बजारमा सुन तथा चाँदीका मूल्यमा हुने परिवर्तनका आधारमा यहाँ दैनिक कारोबार मूल्य तोक्दै आएको छ । अन्तरराष्ट्रिय बजारमा आज सुन प्रतिऔँस एक हजार ८ सय ३ डलर आसपास कारोबार भइरहेको छ ।
यो पनि…
घट्यो सुनको मूल्य
आकासिदै सुनको भाउ
