पढ्नै पर्ने यी तीन पुस्तक



हरेकका आ–आफ्नै चाहना हुन्छन् । तिनै चाहनालाई मूर्तरूप दिन हामी आफूले चाहेका राम्रा काम गर्न रुचाउँछौँ । हप्तामा अन्य दिन हामी विशेष गरेर अफिसको काममा ब्यस्त भएपनि शनिवार भनेँ घरमै बसेर वा अन्य कतै गएर केही रमाइलो गरौँ भन्ने सोच्छौँ । तर कसैको पुस्तक पढ्ने चाहना पनि हुन सक्छ । यदि पुस्तक पढेर आजको विदा कटाउँछु भन्ने योजना बनाउनु भएको छ भने तपाईले यी तीन पुस्तक पढेर विदाको सदुपयोग गर्न सक्नुहुन्छ ।

१. बाबु, आमा र छोरा

विश्वेश्वर प्रसाद कोईरालाको उपन्यास हो, ‘बाबु, आमा र छोरा ।’ यो उपन्यास साझा प्रकाशनले बजारमा ल्याएको हो । कोईरालाले यो उपन्यासमा व्यक्तिमा दमित इच्छा, भावना एवम् मनोद्वेगहरूलाई स्वतन्त्र रूपमा आत्मनिर्णय गर्न दिइनुपर्छ भन्ने सन्देश दिएका छन् । त्यसैले, यो उपन्यास एकपटक पढ्नै पर्छ जस्तो लाग्छ ।

२.सुम्निमा

यो उपन्यास पनि साहित्यकार विश्वेश्वर प्रसाद कोईरालाद्वारा रचित उपन्यास हो । यसमा सुम्निमा र सोमदत्तबीचको प्रेमप्रसंगको यौन मनोविज्ञानको बारेमा विश्लेषण गरिएको छ । यसमा एक व्राह्मणले आफ्नो धर्म त्याग्दा समाजमा के असर पर्दो रहेछ भनेर देखाउन खोजिएको छ । उपन्यासमा कोईरालाले प्रेमले मानिसलाई शारीरिक रूपमा टाढा बनाए पनि मानसिक रूपमा नजिक नै राख्छ भन्ने सन्देश दिएका छन् ।

३. शिरिषको फूल

साहित्यकार पारिजातले शिरिषको फूल उपन्यास २०२२ सालमा आफैँले प्रकाशन गरेकी थिइन् । यो पुस्तकले २०२२ सालमा मदन पुरस्कार समेत प्राप्त गरेको थियो । मेरो विचारमा यो पुस्तकपछि जति लभस्टोरीका पुुस्तक निस्किए, तिनमा यसमा जति प्रेमको बारेमा राम्रोसँग लेखेको पाइएको छैन । यो पुस्तकलाई २०२४ मा संसार र २०३८ सालमा साझा प्रकाशनले पुनः प्रकाशन गरेको थियो । यो पुस्तक अंग्रेजीमा ‘द ब्लूू मिमोसा’ शीर्षकमा अनुवाद भई अमेरिकाको मेरिल्याण्ड विश्वविद्यालयमा पढाई हुन्छ । पुस्तकमा विसंगतिका बीच रुमलिएको जीवनलाई चरित्रचित्रणको मूल आधार बनाइएको छ ।

(सञ्चारकर्मी अच्युत घिमिरेले चयन गरेका तीन पुस्तक)



Leave a Reply

Your email address will not be published.

सम्बन्धित खबरहरु

यतिबेला देश निर्वाचनमय बनेको छ । प्रतिनिधिसभा र प्रदेशसभाको निर्वाचन आउन अब मात्र केही दिन बाँकी छ । निर्वाचन नजिकिएसँगै

धिरेन्द्र प्रेमर्षी, पत्रकार, संस्कृतिविद् छठ मिथिला समुदायको मौलिक पर्व हो । कात्तिक चतुर्थको दिनदेखि चार दिन मनाइन्छ । यो पर्व

आजबाट नेपाल संवत् ११४३ सुरु भएको छ । यसलाई नेवार समुदायले नयाँ वर्षका रूपमा मनाउने गरेका छन् । राष्ट्रिय विभूति

पोखरा खगोलीय समाज (PAS) र गण्डकी प्रदेश विज्ञान तथा प्रविधि प्रज्ञा प्रतिष्ठान (GPAST) द्वारा संयक्तरुपमा आयोजित पहिलो खगोल विज्ञान शिविर

Suggested