लाइसेन्सको अनलाइन आवेदन खुल्यो, यसरी भर्नुहोस् अनलाइन फारम



यातायात व्यवस्था विभागले सवारी चालक अनुमति पत्र (लाइसेन्स) आवेदन खुला गरेको छ । कोरोना महामारीका कारण विगत ६ महिनादेखि बन्द रहेकोे अनलाइन आवेदन सोमबारदेखि खुलेको हो । अब नयाँ आवेदन भर्नेहरु नयाँँ नियममा लिखित परीक्षा र ट्रायल दिन पाउने यातायात व्यवस्था विभागका प्रवक्ता डा.लोकनाथ भुसाल बताउँछन् ।

देशभर २१ वटा कार्यालयबाट अनलाइन आवेदन दिन सकिन्छ । कार्यालयको चाप अनुसार पालो आउने भुसालले बताए । ‘नयाँ आवेदन दिनेहरुले उपत्यकाको हकमा चार महिना र बाहिरका कार्यालयमा १५ दिन देखि १ महिनापछि मात्रैै पालो आउँछ,’ भुसालले भने ।

लाइसेन्सको लागि नयाँ आवेदन वेबसाइटमा गएर बिगतका दिनहरुमा भरे जस्तै भर्न सकिन्छ । पुराना आवेदन दिएकाहरु मध्ये अझै ४ लाखले ट्रायल दिन बाँकी रहेको भुसालले जानकारी दिए । ‘पुराना आवदेकहरुको ट्रायल परीक्षा भइरहेको छ,’ उनले भने ।

यसरी भर्नुहोस् अनलाइन आवेदन

– अनलाइन आवेदन भर्नका लागि सुरुमा गुगलको सर्चमा गएर onlineedlreg.dotm.gov.np टाइप गर्नुहोस् ।
– यो वेबसाइट खुलेपछि अनलाइन ड्राइभिङ लाइसेन्स रजिस्ट्रेशन लेखेकोमा क्लिक गर्नुहोस् ।
– बायाँको कुनामा अनलाइन रजिस्ट्रेन लेखिएको हुन्छ । त्यहाँ क्लिक गर्नुहोस् ।
– त्यसपछि नेपाली र सेलेक्टे लेखिएको दुईवटा बक्स देख्नु हुन्छ । सेलेक्टेडमा क्लिक गर्नुहोस् । न्यु लाईसेन्स सेलेक्ट गरेर प्रोसेस गर्नुहोस् ।
– अब फर्म खुल्ने छ, त्यहाँ मागेअनुसार आफ्नो व्यक्तिगत विवरण ।
– अर्को बक्समा तपाईले परीक्षा दिने सवारीसाधनको छनोट गर्नुहोस् ।
– आफ्नो अञ्चल र लाइसेन्स लिने कार्यालय छनोट गर्नुहोस् ।
– अन्तिममा क्यप्चा राखेर सबमिट गर्नुहोस् ।
– यसरी आवेदन दिएपछि तपाईंलाई रसिद प्राप्त हुन्छ । त्यसमा दिएको मितिमा कार्यालयको भिजिट गर्नुहोस् ।

के छ नयाँ नियम ?

सवारी चालक अनुमति पत्र परीक्षाको लिखित परीक्षाका लागि ५ सय वटा प्रश्न दिइने छ । सोही पाँच सय प्रश्न भित्रबाटै परीक्षार्थीलाई २० प्रश्न सोधिने छ । यसै गरी प्रयोगात्मक परीक्षा (ट्रायल) मा ७० प्रतिशत अङ्क ल्याए उत्तीर्ण हुने प्रावधान रहेको यातायात व्यवस्था विभागका निर्देशक डा.लोकनाथ भुसालले बताए । नयाँ निर्देशिकामा हालका लागि मोटर साइकल, स्कुटर र साना चार पाङ्ग्रे सवारी सधानलाई समेटेर बनाइएको भुसालले बताए । ठूला सवारी साधनका लागि पहिलेकै निर्देशिका अनुसार परीक्षा हुने उनले बताए । नयाँ निर्देशिका अनुसार सवारी चालक अनुमति परीक्षा दिन सर्वसाधारण सजिलो हुने विभागले जनाएको छ ।

ट्रायलमा यी कुरा बिगारे कति नम्बर काटिन्छ ?

लाइसेन्स परीक्षा सञ्चालन कार्यविधि निर्देशिकाअनुसार मोटरसाइकल, स्कुटर, मोपेड, कार, जिप र डेलिभरी भ्यानको प्रयोगात्मक परीक्षामा घुमाउरो आठ, उभड खाबड (स्पिड ब्रेकर), यु टर्न, ट्राफिक सङ्केत, ¥याम्प (उकालो), ग्यारेज र परीक्षार्थीको व्यवहारगत पक्षको समग्र मूल्याङ्कन गरी एक सय अंकबाट ७ चरणमा अंक दिइनेछ । जसबाट ७० अंक आएमा उत्तीर्ण गरिनेछ ।

घुमाउरो आठमा एकपटक अंकित रेखा छोएमा ५ अंक र एकपटक खुट्टाले जमिन टेकेमा ५ अंक गरी १० अंक कटिनेछ । युटर्नमा टर्निङ इन्डिकेटर लाइट नबालेमा १० अंक कटिनेछ । ट्राफिक सङ्केतको पालना नगरेमा १५ अंक कटिने छ । बम्प्स (उभड खाबड) मा एकपटक सवारीको स्टार्ट बन्द भएमा ५ र एक पटक खुट्टा टेकेमा ५ गरी १० अंक काटिने छ ।

परीक्षार्थीको व्यवहारगत पक्षको समग्र मूल्याङ्कनमा सवारी चलाउनु पूर्व सवारीको ब्रेक, टायर र ऐनाहरूको सामान्य निरीक्षण नगरेमा ३ अंक, हेलमेटको लक नलगाई सवारी चलाएमा ४ अंक र अस्वाभाविक गतिमा वा असंयमित रूपमा सवारी चलाएमा ३ अंक काटिने छ ।

यो पनि पढ्नुहोस्
लाइसेन्सको लिखित र ट्रायल परीक्षा खुलाउन यस्तो छ विभागको तयारी
सवारी चालक अनुमति पत्रको नयाँ नियम कहिलेबाट ?
लाइसेन्स परीक्षालाई सजिलो बनाउने नियम आउँदै




...
लाइसेन्सको नयाँ निर्देशिका बन्यो, तर लागू भएन ! आखिर किन ? « Mero LifeStyle

[…] […]

Leave a Reply

Your email address will not be published. Required fields are marked *

सम्बन्धित खबरहरु

महिला हिंसा अन्त्य गर्नपर्छ भन्ने नारा हामीले प्राय सुनिरहेका हुन्छौ । यो विषयमा चर्चा हुन थालेको लामो समय भईसक्यो ।

राप्रपा अध्यक्ष पशुपति शमशेर जबराले पार्टीको हितका लागि आफूले नेतृत्वको दाबी छोडेको जानकारी दिएका छन् ।  काठमाडौंमा बुधबारबाट सुरु भएको

स्वास्थ्य तथा जनसङ्ख्या मन्त्रालयले अत्यावश्यक कामबाहेक विदेश भ्रमण नगर्न अपिल गरेको छ । कोभिड–१९ को ओमिक्रोन भेरियन्टको सङ्क्रमणलाई दृष्टिगत गर्दै

राप्रपा अध्यक्ष डा प्रकाशचन्द्र लोहनीले हिन्दु र बौद्ध धर्म जोगाएर प्रवर्द्धन गर्दै अघि बढ्ने हो भने नेपाललाई विश्वकै तीर्थस्थल बनाउन सकिने