प्रताप दास भन्छन्– स्नातक तहको पढाई पुरा गर्न पाएको छैन



ललितपुरको चापागाउँस्थित ज्योतिदय सहकारी विद्यालयबाट २०६६ सालमा एसएलसी दिएँ । पहिलो श्रेणीमा पास भएँ । कक्षा ११ एबरडिन इन्टरनेशनल कलेजमा भर्ना भएँ । त्यो बेला व्यवस्थापन संकाय अन्र्तगत पर्ने होटल म्यानेजमेन्ट बिषय एकदमै फेमस थियो । सबैले होटेल म्यानेजमेन्ट नै पढ्थे । मलाई अरु भन्दा युनिक हुन मन लाग्यो जसकारणले कम्प्युटर साइन्स विषय लिएँ ।

कलेजको पढाई बिहानको समयमा थियो । कलेजको समयपछि दिनभरी साथीसँग रमाइलो गरिथ्योँ । म त सानैदेखि सोझो, खासै अरुसँग नबोल्नेमा पर्छु । साथीहरु पनि म जस्तै थिए । कलेजमा ज्ञानी विद्यार्थी भनेर चिनिन्थे । कलेज जाने पढ्ने मात्र काम थियो । संगीत नि सिक्थेँ । तर, कलेजका साथी र शिक्षक कसैलाई थाहा थिएन । म गीत गाउँछु भनेर । स्कुलका साथीहरुलाई भने थाहा थियो । नेपाल तारामा गएपछि मिडियामार्फत कलेजका साथीहरुले मैले पनि गीत गाउँछु भन्ने थाहा पाए ।

स्कुल पढ्दादेखिका साथीहरु पाटन तिरै भेटिन्थे । त्यही क्षेत्र हाम्रो लागि जक्सन थियो । पाटनमा फेमस थुक्पा पाइने एउटा होटल छ । त्यही साथीहरुसँग रमाइलो गर्दै खाइन्थ्यो । लगनखेलको एउटा पसलमा मीठो चिया पाइथ्यो । त्यो पसलमा कलेज जानु अघि साथीहरु जम्मा भएर चिया पिउथ्यौँ ।

कलेज बंक गरेर घुम्ने, साथीसँग योजना बनाएर उपत्यका बाहिर जाने कहिले गरिएन । ललितपुरकै भएकाले कलेज बाहिर सबैले चिन्थे । जसकरण कहिले कलेज बंक गरिएन । पाटन दरबार क्षेत्रमा नै रमाइलो गर्थेँ । खासमा भन्नु पर्दा कलेज पढ्दासम्म बाहिर गएर साथीसँग रमाइलो गरिन्छ भन्ने थाहा नै थिएन । पछि मात्र थाहा पाएँ । एकपटक साथीहरुसँग सुन्दरीजल गएको थिएँ । त्यहाँ एकदमै रमाइलो भएको थियो ।

स्कुल पढ्दादेखिका साथीहरु पाटन तिरै भेटिन्थे । त्यही क्षेत्र हाम्रो लागि जक्सन थियो । पाटनमा फेमस थुक्पा पाइने एउटा होटल छ । त्यही साथीहरुसँग रमाइलो गर्दै खाइन्थ्यो । लगनखेलको एउटा पसलमा मीठो चिया पाइथ्यो । त्यो पसलमा कलेज जानु अघि साथीहरु जम्मा भएर चिया पिउथ्यौँ ।

टिन एज भएर होला कलेज पढ्दा म निकै चन्चले थिएँ । साथीहरुको लबअफेयर्सको कुरा सुनुन्थ्यो । जो सुन्दा आनन्द लाग्थ्यो । तर, कलेजमै मेरो कसैसँग प्रेम बसेन । कलेज पढ्दा म रेगुलर नोट बनाउँथे । त्यसकारण परीक्षाको समयमा पढ्न त्यति गाह्रो हुँदैन थियो । परीक्षामा आएका प्रश्नहरु नजानेमा छोड्ने गर्थेँ तर चिट चोर्दिनथेँ । प्लसटुमा पढाई एकदम राम्रो थियो त्यसैले राम्रो अंक ल्याएर उत्तिर्ण भएँ ।

कुमारीपाटीस्थित क्यास्पियन भ्याली कलेजमा स्नातक तह पढेँ । बिबिएस विषय लिएको थिएँ । तर, पहिलो र दोस्रो वर्षको परीक्षा दिएपछि गायन क्षेत्रमा होमिए । पढाईका लागि समय निकाल्न सकिन र पढाई छुट्यो ।

यो पनि पढ्नुहोस् ।
यी हुन् उत्कृष्ट मावि, कुन कलेजमा कति छ शुल्क ?
मेलिना भन्छिन् – कलेज पढ्दा निकै सोझी थिएँ
दीपिका भन्छिन्– कलेज बंक गर्ने हिम्मत आएन
सलोन भन्छन् – कलेजमा ३ जना केटीले प्रेमप्रस्ताव राखे

कक्रोज भन्छन्– चिया पसलमा काम गर्दै कलेज पढें



Leave a Reply

Your email address will not be published. Required fields are marked *

सम्बन्धित खबरहरु

आरोहणको इतिहासमा आङरिता शेर्पा विश्व लोकप्रिय कीर्तिमानी आरोही हुन् । कृत्रिम अक्सिजन बिनै १० पटकसम्म सगरमाथा आरोहण गरेका शेर्पा हिउँचितुवाको

दिवङ्गत पितृका नाममा प्रत्येक वर्ष आश्विन कृष्ण पक्षमा गरिने सोह्र श्राद्धका लागि आवश्यक पर्ने अपराह्नकालको समय निर्धारण गरिएको छ ।

संगीत, नृत्य तथा आर्टमा रुचि भएकाहरुले कुन कलेज पढ्ने ? कुन विषय रोज्ने ? के पढेमा सजिलै जागिर पाउन सकिन्छ

पेट दुख्दा खासै केही होइन भनेर हामी बेवास्ता गर्न सक्छौँ । तर, यस्तो गर्नु खतरा हुन सक्छ । किनकि यस्तै

Suggested